Popular Bible Verses from 1 TIMOTEO 4

Share

Niźaśa amiź thowa khen anax jëkhmi iñarla; ans amki ni Yöś kirïchi źoñinakźkiś śuma taqunakźtan, oqśñi quśtan, thapa quśtan am qamañkiś thëśtanćha.

xalla ni xañchiź ijirśiśśhuki xañchiźxapaqaś wakiśićha, ans ni oqśki thapatiźta wakiśiñićha, xalla nïki ti qamañxapa niźaśa uśhka thonñi qamañxapami źeti thäś taqu onśićha.

Niźaśa amki perśunpacha kuytaśa niźaśa ni yaqha źoñinaka thaxinśnakkiśtanami, niźaśa amki thurt'ichi quśśiśpan khella. Amki tuźupanim päkiź nïki perśunpacham liwrïsnakićha niźaśa ni am taqu nonśñi źoñinakami liwrïtaź khekićha.

Xalla ni Yöś Espirituki qhanakamaź tuź khićha, xalla ti pacha źeranśkinaki yaqhapanakaki ni q'otñi espiritunaka niźaśa Saxriźkiśtan thonñi thaxinśnaka nonźku, ninakź thapa quś kephsqatakićha.

Niźaśa anćhukki ti yoq kintunaka niźaśa sumsu taqu chïtanaka anaź kaśa. Ans anćhukki ni śuma oqśnakkiśpanź quś thäla

Niźaśa amki weriź irantiźkitanaki, ni Yöś śuma kintu khjirtanaka qhanakamam ni źoñinakźkiś liyakićha, niźaśa ni Yöś kirïchinaka p'eqintayakićha niźaśam thaxźnakićha.