Popular Bible Verses from 1 PEDRO 2

Share

Ans anćhukki illśta qhuy źoñinakćhukćha, tshi Reyź manta päñi timlu jiliriźtaqaś, niźaśa tshi źkay chawkh wathaźtaqaś, niźaśa tshi Yöś thulźta wathaźtaqaś. Xalla tïki nuźupan khiśtanćha ni Yöś iśpantichukanaka maśnaxu, xalla ni Yöśki anćhuk ni sumchilaqhkiśtan ulanźkaxu qhawśićha, nïź añcha k'achha qhankiś luśhqatśxapa.

Niźaśa Criśtupachaź ućhum ujnaka nïź xañchikiś kuruśhkiś chhichchiki, ućhumź ujkiś atta tikhźnawk khen, neqhśtan ućhum śoq'u jikhśkiś qamaxu, niźaśa Criśtuki anćhuk ćhhetinta khexu śhoxrichtaćha. Niźaśa anćhukki tuki tshi qatchi uśhaźtaqaś oqhlayinćhuktaćha, niźaśa anśiki Criśtuźkin kephźkichinćhukćha, xalla nïki anćhuk tshi üśi awatiriźtaqaś kuytikan ichcha.

Niźaśa anćhukki tukiki anapantaćha tshi wathami, ans anćhukki anśiki Yöś wathćhukćha; niźaśa tuki Yöśki anaź anćhuk oqźnatćha, xaśiki Yöś anćhuk oqźa.

Niźaśa tshi uśhka mathta wawaźtaqaś ni ch'uw Espirituź lichi añcha qhura, xalla ni lichkiśtan anćhukki liwrïś tanźnasaćha

Weth q'ay jilanaka, werhki anćhuk rokt'ućha tshi yaqha wathchiś ti yoqkiś watñi źoñiźtaqaś, anćhukki anaź ni xañchiź pektakama oqalla, xalla nïki ućhum animuźtanź qichassa. Niźaśa anćhukki ni ana Yöś kirïchi źoñinakźtan śumapanź qama. Anśiki ninakaki qhaźtamit anćhuka moq'u parlićhani, anćhuk ana śumanaka päñi źoñiźtaqaś, neqhśtan ninakaki ni anćhukaź śumanaka päta cherakićha, neqhśtan ninakaki Yöś thü aynaqakićha xalla ni thappacha juchjiptayś thuñkiśiki.

Yöśki anćhukatan niźtaśaqaś ni źethñi maśkiśtanźtaqaś päkićha, niźaśa tshi Yöś kirïchi źkay jilanakaźtaqaś, niźaśa tshi źkayi quśśiś timlu jiliriźtaqaś, xalla ninakaki Jesucriśtuźkiśtan tshi anim wilanaźtaqaś Yöś quś pektakama thäsaćha.

Niźaśa anćhukki ni ana śuma päś ćhhultaqkiśtanź saraqa, niźaśa ni q'otśkiśtanami, ni toskarkiśtanami, niźaśa ni moq'uśiśkiśtanami, niźaśa thapa taqu chhalanśkiśtanami.

Niźaśa anćhukki Yöś Tatźkinź makhatiźka, xalla ni źethchiś maś ti źoñinakaki arśićha, ans Yöśkiśiki ni maśki śuma walurchiś illśtaćha.

Niźaśa anćhukki liwri źoñinakaźtaś qama, qhaźta ni anćhuka liwri qamaña ana waqaychiźkumi ni anaśumanaka pächinćhukćha. Ans anćhukki Yöś manta päñiźta qama.

Niźaśa Yöśki anćhuk śumanaka päñipanź pekćha, xalla ni ina quśśiś źoñinaka niźaśa sumsunaka ana anćhuka ćhhul moq'umi chiyaxu.