Popular Bible Verses from 1 CORINTIOS 5

Share

Xalla nuź chïkuki anćhukakiś khiwćha, ni Yöś kirïchi jila iź iźasaź nïki ana ni źoñźtan munaśakićha, niźaśa ni śqut źoñinakźtan, niźaśa źoñiź päta yöś amtiñinakźtanami, niźaśa ni layqanakźtanami, niźaśa ni likhñi źoñinakźtanami, niźaśa ni thañi śäñinakźtanami. Xalla ti źoñinakźtanaki anaź chika ćhheri lulhśmi wakiśićha.

Niźaśa anćhukki ni ach liwaturkiśtanź saraqa, niźaśa anćhukki ew liwaturźtan jak'u ñattaźtaqaś khekićha. Añś anćhukki ana liwaturchiś t'antaźtaqaśśa, xalla ni Paśku phiśtikiś lulhś t'antaźtaqaśśa. Xalla ni Criśtutaćha ni Paśku üśi wilanaki, xalla nïki ućhumnaka layku wilanaźtaqaś kontaćha

Niźaśa werhki ni śankuñ khiñi źoñinaka anaź juchjiptayś wakiśićha; Yöś ni źoñinaka juchjiptayakićha. Ans anćhukki ni qhuyl źelhñi źoñinakaź juchjiptayasaćha. Xalla niźtikiśtan anćhukki ni ujchiś źoñi anćhuka taypikiśtan chhetqata.