Popular Bible Verses from 1 CORINTIOS 15

Share

Xalla niźtikiśtan weth q'ay jilanaka, anćhukki śuma thurt'ichipanź khella niźaśa anćhukki tirapanź ni Yöśta lanqźna; niźaśa anćhukki śiśsa ni Yöś Tatźtan chika lanqśki anaćha ina.

¡Niźaśa ućhumnakki Yöśkin sparakiź khichukaćha, xalla nïki ućhumnakakiś ni Jesucriśtu Tataź khen atipś ućhunkiś thätaćha!

Niźaśa anćhukki anaź millk'untisqata. Xalla nïki chïtapanćha, tuź khikan: “Ni anaśum maśinakaki ni śuma usanakaź thatanźinćha.”

Niźaśa ni Yöś wethkiś añcha śuma oqśñiź khen werhki źetućha; niźaśa nïź wethkiś oqźtaki anataćha inapanqaśki. Ans werhki ni apuśtulanakźkiśtan tshallan lanqśinćha; xalla ni lanqśnakaki anataćha weriź päta, ans Yöś pätataćha, niźaśa nïź oqśñi quśki werh yanapchićha.

¿Tikhś xaqhsikin ni am atipśxo? ¿Niźaśa tikhś xaqhsikint ni am llakinakaxo?” Xalla ni tikhś llakinakaki ni ujnakaćha, niźaśa ni ujki lï xaruź aśśiś khisqatćha.

Niźaśa werhki anćhuk ni Yöś xamaśit amtita śiśqatśl pekućha: Ućhumnakki anaź thappacha tikhźnakićha, ans ućhumnakki thappacha kephsikamaź khekićha niźaśa tshi źhuki ch'iphkhenallaqaś ućhumnakki kephsiź khekićha, niźaśa ni tukuśinskiś tothi thawźnan. Xalla ni oraki tothiź qhawakićha, niźaśa ni tikhśinakaki jakatatakicha, ana iya tikhśxapa. Xalla nuź khen ućhunnakmi kephsiź khekićha.

Niźaśa tshi źoñiź khen ti tikhski źelhćha, niźaśaqaś tshi źoñiź khen ti tikhśkiśtan jakatatśki thonćha. Niźaśa Adanź khen thappacha źoñinakaki tikhźa, xalla niźtaśaqaś Criśtuź khen thappacha źetchiśkama khekićha.

Niźaśa ućhumnaka ujchiś xañchiki, ni ana ujchiś xañchi kuthźnakićha, niźaśa ni ućhumnaka tikhśñi xañchiki ana tikhśñi xañchiź kuthźnakićha.

Xalla ni Criśtuki irpiśtantaćha thappacha nïźtan moq'uśñinaka nïź qhxoch qostuñ thekźta khiśkama; xalla ni źerañi ćhaxwqatñi tikhśki atipźtaź khekićha.