Popular Bible Verses from 1 CORINTIOS 1

Share

Ans ni Yöśki ti yoq sumsunaka illśićha ni śiśñi źoñinaka aśqatśxapa; niźaśa Yöśki ni aś upanaka illśićha ni thup quśśiś źoñinaka aśqatśxapa.

Xalla ni ana walqhutñi oqhñi źoñinakźkiśiki, ni Criśtuź kuruśhkiś tikhźta taquki sumsu taqunakaźtaqaś nayćha; ans ti taquki Yöś aśśiśśa, xalla ni liwrïñi jikhśkin oqhñinakźtaki.

Xalla ni Yöśkiś ni sumsu taqunakaki, ni źoñinakź śiśnakźkiśtan tshan śiśnakaćha; niźaśa ni Yöśkiś aś upaźtaqaś khesaź nïki, ans ni Yöś aśiki ni źoñinakź aśkiśtan tshan aśićha.

Niźaśa Yöśki nïź taqu onźtanaka kumliñipanćha, xalla nïćha ućhum nïź Machh Jesucriśtu Tatźtan chika ućhumnak qamax khichiki.

Jilanaka, Jesucriśtu Tatź thükiś anćhuk rokt'ućha, thappacha anćhukakiśtan anax phali chïñi źelhla, thappacha waliź khiñikamax khila. Niźaśa anćhukki śuma chikaź qama śuma amaytaśkan niźaśa tshi quśśiś.

¿Xaqhsikin ni śiśñi źoñixo? ¿Niźaśa xaqsikin ni lï ut'ayñixo? ¿Xaqhsikin ni xaśta ćhhultaqinakkiśtan chïñixo? ¡Yöśki ti yoqkiś źelhñi źoñinakź śiśnaka sumsu tukqatchićha!