Popular Bible Verses from Tai 2

Share

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ. Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ. Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm. Gha àmei ɨŋgam nɨ kuʼnɨ nɨ chəi ənɨ tɨ̀ wə̀d zə ənû rɨbɔ̀ŋ ɨŋga. À mɨ ghɨ̀ əne, tɨ̀nìd ətu bɨrɨ yim mbe bə̂d pə̀n, ɨmbə̀ʼ ɨghəm nɨ chəi mbɨ zə ənû rɨbɔ̀ŋ nɨ tɨ̀ mbɨ gha ɨmbə̀ʼ əwa.