Popular Bible Verses from Fil 3

Share

Mbɨ bɔŋgɔb, chəi mə̀ gha ni mə fə berɨ mbɨwən, àyɨə ənû ə mɔʼ nɨ mə ghɨ yɨ ni: mə fə neb ɨnû mbe nɨ fə che, əne mə wɨə kywɨ ənywɨ ɨmbə̀ʼ beenɨ əbɔʼ mbe nɨ yeʼ ɨmbì. Mə wɨə kywɨ ənywɨ wò pe ənɨ ɨnwǐ ɨmbə̀ʼ berɨ ɨneʼe we nɨ Ŋwìə̀ che ənjìm ə Kristo Yeso nuŋ ɨ num ɨkaŋ.

Mə wɨə kəb kyerɨ ə Kristo. Mə wɨə bə̀ kəb kyerɨ ɨka we nɨ Kristo nyaʼa berɨ ənɨ wɨ̀ nyaʼa zwemə. Mə wɨə kə̀b zə ŋgəʼ ɨchî nɨ wɨ̀ nyaʼa zə, bə̀ kə̀b kwɨ ɨchî nɨ wɨ̀ nyaʼa bə kwɨ ɨmbə̀ʼ ɨchî mɨ chwiə, mə bə̀ zwemə.

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Mə nyaʼa kɔndɨ ni mə we tɨ̀ mə jɨg njìm rɨ nɨ ɨnû mbɔ̂, àyɨə tɨ̀nîn mə fə zə ni mbɨ yɨ ɨnimɨ. Mbɨ yɨ ɨnimɨ ɨmbə̀ʼ ɨ̀chɔ̀m we nɨ Kristo ghɨ ənɨ ə num.