Popular Bible Verses from Gal 5

Share

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d, ənû nɨ swi ɨnyod mbɨ ənû nɨ yimbɨ ɨnyod. Chəi ɨkə mɔʼɔ nɨ ton ɨnû mbɔ̂.

Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə

À yɨ Əzwî ə ghɨ̀ ni tɨ̀ yeʼ ɨkǎ, əne tɨ̀ ghɨ ɨnû mbe nɨ Əzwî ə kə̀bə̀.

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Ɨnû mbe nɨ nyamnyod ə feenɨə mbɨ zeŋ. Mbɨ yɨ ənû nɨ ni mbaŋə̀ kɨ̀ məyi əbeŋ əbəŋ, ənû nɨ ghɨ ɨnyɔɔnɨ-ɨnû, ənû nɨ ghɨ ɨnyamnɨ-ɨnû, ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa, ənû nɨ feenɨ ɨghɨ bə̂d, ənû nɨ nɔ be, ənû nɨ nɔ bùùrɨ̀ mbɨ ɨnû cherə ɨghabɨ mbe. Mə wɨə patɨ əwən rɨ̀nîn, ɨchî nɨ mə̀ nyaʼa be patɨ ni, chəi bə̂d mbe nɨə ghɨ̀ tɨkwɨrɨ ɨnû tɔ̂ bɨrɨ jɨg ənû ɨfɔ̀n ə Ŋwiə̀.

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb

ɨmbə̀ʼ ɨghəm nɨ ɨnû mbe nɨ nyamnyod ə feenɨə yɨ mbe nɨ chəi Əzwî ə kəbɨ, mbe nɨ Əzwî ə kəbɨ yɨ mbe nɨ chəi nyamnyod kə̀bɨ. Mɨ̀mə̌d mbɔ̂ mɨ̀be mbɨə zɔ̀ŋə̀ ɨmbə̀ʼ tɨ mbə̀ ghɨ ə ɨnû mbe nɨ mbə̀ kəbɨ.

ɨmbə̀ʼ ɨghəm nɨ tɨkə rɨjìm fə fɔtɨ əton ɨkə mɔʼ. Ɨkə we mɔʼ yɨ ni, “À berɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod.”

Tɨ rɨ̀ nɔ a ɨnyod. Tɨ rɨ̀ ghɨ a ni bə̂d cherə sə ɨtəm. Tɨ rɨ̀ ghɨ a ə̀dìì.

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.