Popular Bible Verses from Wahyu 5

Share

Ira rdedang dadedang ngorvaꞌan isa verin Domba Yanan yai, tevek ralang Ia, ma rfalak ne, “Oa aꞌuk saꞌi Mu vavaꞌat nmalola, ba inovan ma mala buku lalulung yai ovu mkamsat ni segel ra. Tamata ra rfedan roak Oa ma laram a nvoat al mtevut tamata ra tali rira salasilan ra, ma reluk Ubu Ni tamata ra. Tamata avyai rtali arun dawan ra munuk, negara ra munuk, bangsa ra munuk ovu vali rtali vai ovi rnaꞌa lanit ivavan a munuk.

Ubu Ni sansinir avyai rdedang ma vairira dawan urun ia, ma rfalak ne, “Inovan ma amfadawang aꞌuk Domba Yanan i rfedan roak Ia yai, Amraning Ia, tevek Ni ngrebat a, Ni metan rivun, Ni kakaꞌa dawan, ovu Ni fareta a. Amfakaratat Ia, tevek Ni dawan a nrahi lia munuk ovu amalang aꞌuk Ia.”

Oa motu ma ira wean mela falurut ovi rkarya verin Ubu naꞌa Mu fareta a. Ira veka rfareta wean raja ra naꞌa lanit ivavan a.”

Yaꞌa urenar munuk tamata ra ovu afa ovi rvaꞌat naꞌa lanit ratan, ovu ovi rnaꞌa lanit i vavan a, ovu vali ovi rnaꞌa letvava. Urenar munuk vali afa ovi rnaꞌa tahat ralan a. Afa avyai munuk rfalak ne, “Amdedang verin Ia i ndoku wan i Ubu ndoku ma nfareta a, ovu Domba Yanan a. Amfadawang ovu amraning Ia, tevek amalang Ia. Amfakaratat Ia, tevek Ni dawan a rahi lia munuk ovu Ni fareta a dawan lia munuk afakataka. Amfamalik Ia, nata ti wol ni wahan!”

Tali fareta dawan vutrua rahin ifaꞌat avyai, na isa nfalak verin yaꞌa ne, “Deka bwakar. Eka msiꞌik, tamata i rfanara vali Ia ne, Singa i ntali Yahudi rira arun dawan isa naran Yehuda. Ia ubun a nusin verin Raja Daud, ovu nangal nala roak afa ovi sian ra munuk, ma utun roak. Ba Ia saꞌi bisma nruvat nala segel ifitu ovu buku lalulung yai.”