Popular Bible Verses from Roma 14

Share

Sap tembanena hen ba maesa de otdebin hip dena, zen Alap mo nwenak bol-zaun nuka hom. Diki nen men zene Alap mo ïrïk gïnnïk lowehe gweꞌan, an diki zen nëbe mae hap bol-zaun tangan wenyaye: Zëre mo Enho nakore isrip-sri naban nen nëre mae mo Kristen bose walya ban aha-ere enlalakam Alap mo dwam gwibin en san lowehe gwen. Tïngan men zene kirekam Kristussu ang ë gweblanan, Alap man nësa sam gwesibirida gweꞌara, hen zi bosyanna sa hen nësa sam neisibirida gwer.

Zep nen de holokam lowehen hap dena, zen diki Bian mo tahanak lwa gwenan. Tïn hïp dena hen kirekam. Zep nen diki Bian de nësa sam gwesibiridan en hap nen lowehe gwen.

Zen in zep, Kristen zini nen nen ëalp gwe-gwen– dekam de aha-ere enlalakam lowehe gwen hap, ekakim nënaka Kristus en hon dikim tatem ëzauk zahen hap dena kim tïtï la gwibik.

Sap nësa Bian kirekam sa klis gulu, zep nen bap nen nënaka anakan klis gul gwen, “Em ema kirekam ëkarek gwe-gwenan.” Diki anakan nen nënaka alp gwibirida gwen, “Ëe babë ëre mo Kristen bosena karek san dep de tïtï tan makan gwëblan. Ki zen sa tol kareknak zara.”

Sap Alap mo olak anakan lwak, “Ëe, Ngaya Zini Alap, ama emsa gubiridaꞌan: Eiwa, tïngare zini boklesa sa ap kom da gweblal, hen anakan sa Asa nen gweblal, ‘Em in, eiwa, Alap.’” Zen in zep, Zen diki Alap Zën sa nësa nëre mae mo auhu-kamanak de gwën hap takensibiridala, hen Zen diki Zen sa nëno mae mo karek-karekna anakan nëp klis gulzimdi, “Em kirekame karek gweka.”

Ere mae mo Kristen bosena men zen nama Kristussu de taïblïblannak ëtatete gwe srëm gweꞌan, deban mae sap esa olësiri gwe-gwer. Hwëna bahem enaka anakare hap klis gul gwen hen husus gwibirida gwen, “Zen ba hap nama ëpba tïtï tabin ola in san ang ta gweꞌan?” Ahaksa, “Zen ba hap ang ta srëm gwe-gweꞌan?”

Sap Alap hom emsa gubiridaꞌara– em de ere mae mo Kristen bose wal mo kareksa klis gul gwizimdin hipye. Zen diki Bian zëre mo dena– anakan de klis gul gwen hap denaye, “Em ema ano nwenak husus gweꞌara,” ahaksa, “Em ema sam gwesïꞌïra.” Hen Bian mo sosonna ki– dekam de eno mae mo Kristen bosena insa eiwa de ora san dep golëwet so gwen hap denaye.