Popular Bible Verses from Hamal hap de ol 7

Share

Hyanak ki zebë etan kara gwek. Ëe sërkam de zi tra beyam-byasaë hlauludak. Aha-erenak tagal gwesïk. Zëno mae mo beyana aïtbinkim toton nara dep?– sul sonenna. Zen Alap ne Domba Tane nik mo dang nakon pakean ngap-ngap alala tan naban ëzauꞌuk, hen tahakam kawang ala maum hasesa isrip-sri hap deirensïꞌïk. Zen tïngare ïrïk gïn nïkorena, tïngare zi ausu nakorena, tïngare sop zi ausu nakorena, hen tïngare ol ton gwibin zi ausu nakorena.

Zen man ol mam-mamkam anakan ëtaken gweꞌak, “Nëre mae mo Bian Alap Zen teipsïn tangannak nikinꞌira. Nëno mae mo ëngaya gwenna an, zen Zëbon en onakon hen Domba Tanena in onakon.”

Sap Domba Tanena in Zen Alap mo alp nakon gwëꞌara, Zen Zen sa domba zaho ta gwibin zi makan zaho ta gwibiri. Zen Zen sa zëbe mae hap hëndep de ëngaya gwen hap de aïlï hona zertreizimdi. Hen Alap sa zëno mae mo nwe go-hona ngan tasibir-zimdi.”

Zen in zep Alap mo komal tum alp nakon lowehe gwenan, hen Zëno bosena mam nul tine gwenan– yaklam denaban kam denaban. Desa Zën sa golëlowehe gwera, zep zen karekna molya etan noltowek. Zen dekam molya etan usak naban ho-hole naban neiszimk. Yakla sal-sala hen molya etan nësblak.

“Na-en bahem kama naban hi naban timbwas son, hen tenya. Anik nonol Alapsa de betek gweblan zisi mirenak capkam al tasibik. Zen mana hen ëtimbwas gwenank.” Dekam zep asa nenblak, “Zini 144 ribu enkam sa mirenak al dasibir– Alap mo capkamye. Zen kïtak dua-blas enkam de Israel mo auyan-aza nakorena.