Popular Bible Verses from Hamal hap de ol 17

Share

Otweran dowala in sa Alap mo Domba Tanena in han zereijala. Hwëna Domba Tanena in zëre hon de ang ta gwen wenya ban sa zitimbwas tabiri. Sap Domba Tanena in Zen– Teipsïn Zini Bian. Hen Zen tïngare teipsïn zi mo Teipsïnnï. Men zen Desa ang nëblaꞌan, zen Zëna mensa hlïl inkike hen kwang guludakake, hen men zen Zëbon onak tatem ëzaukke.”

Zen kim hya gwesïk, ki zep ahanik in zen tujukam de Alap mo jala bare panci hona okamanak hlei-hli dasibirink abon onak hata zaka. Ki zep zë asa gublu zaka, “Haen. Ëe asa kahalo soson we yawalsa ebe hap goltrëblal– men desa sa Alap sërkam karek guluke.” Hwëna eiwakam de kahalo soson wesya hom enlala gwibirki. Hwëna ë yawala Babelsa ki enlala gweblaka– in zen weya yawal alpnak lwaꞌarake.

Otweran dowala in orep man sap okamanak ngaya gweka, hwëna angkam hom. Zen nabakam sa etan juwen zi mo lang nakon sewese zala. Okamanak de zini hla tankam sa denggwanblal, sap zen jek-jak gwen nakon sa etan jowe zala. Hwëna Alap mo Domba Tane sa nabakam etan hëndep denaban timbwas tala. Tïngare zini molya dowala insa denggwanblak. Hwëna diki auhu-kamana ansa de yang gulsun srëmnak men zëno mae mo bosem-sesa ale dabir-zim srëm gwek hëndep de ëngaya gwen hap de wenyik mo bosemse nabare bukunak, zen zen en sa denggwanblal.

Mirenak de alena hen ki– anakare gulk sun de ol blaoran naban, “Ëe an Babel Bak, tïngare swi soson hen kahalo soson wenyik mo ane.”