Popular Bible Verses from Ibrani 8

Share

Sap Ëe asa zëno mae mo karek-karekna tap gulsuzim. Dekam molyë etan zëno mae mo karekna enlala gwe-gwibik.”

Hwëna insa ngein sin etan ziaha-en guꞌuk, Ëe asa zëno mae mo enhonak tïtï tabin ol ësesa ale gulzim, zen zep sa desan en aha-ere enlalakam ang ta gwer. Zen dekam tangan sa anakan ënwe-mase gwe-gwer, ‘Ëe an zëno mae mo Alap, hen zen eiwa ano hlïl irin wenya.’

Zen dekam molya zënaka anakan tïtï da gwibik, ‘Emki Biansa tame tan.’ Sap zen dekam zën sa kïtak Asa tame dal– sap bose nabare wenya, sap bose srëm wenya.

Hwëna Alap Zën nonol ziaha-en gunnu insa anakan dam gulsuku, “An soson naka hom”– Zen kim anakan hamal hap gubiridakaye, “Ëe, Bian, ama emsa gubiridaꞌan: Ansa enlala ei gwibik. Israel ne Yehuda nik mo zi ausu nakore zi niban de etan olsa ziaha-en gun hup de yaklanak sa hatal.

Ëe ansa emsa tawa tabiꞌin, bol-zaun tanganna an zen: Yesus Zen Zen tangan nëbe mae hap syal gweꞌara– Alap mo golak de teipsïn tangankamye. Zen in zep ngatan zi mo langnak Alap zëre mo dam taha nakon nikinꞌira.