Popular Bible Verses from 2 Korintus 6

Share

Ëe ama emsa gubiridaꞌan: ËKristen gwen srëm zi niban bahem golësiri gwe-gwen. Zen mae habë ki kirekam emsa gubiridal: Sap karek gol gwen zi niban bëjen dawem gol gwen zi niban aha-ere enlalakam apdekam syal tan. Hen kawesïnnik de lowehe gwen zi niban bëjen ngatannak de lowehe gwen zi niban ëaha-en gwen.

Boton alap yang tasibinni hom eiwa de Zini Alap mo golak kang nul gwenan. Nëno mae mo lowe henna hen kirekam: Sap nen kïtak san de Ngaya Zini Alap hap de gol– men kirekam Zëna gubiridakake: “Ëe asa zëno mae mo ngïrïnnïk gwë gwer, hen Ëe asa desa golëlowehe gwer. Zen Asa en sa boklena kom noso gweblal, hen Ëe asa desa bi gwibiridal.”

Zen zep nësa hen gubiridaꞌara, “Enlala kawesïn zi mo ngïrïn nïkon emki wet so gwen. Emki desa langa tasibin. Kun nabare kire-kirena bahem mae towanbin. Kirekame lowehe gweꞌak, ki dekam Ëe asa etan emsa golëlowehe gwer.” “Em ëre mo walas hap esa ëjower. Hen ‘Bian’kam esa Asa en gweblal. Soson Zini Alap Ënë ki emsa gubiridaꞌan.”

Kristus hom dowal mo kïgï naban olsa aha-en ul gwenda. Zep hen kirekam, ëKristen gwen zini bëjen ëKristen gwen srëm zi niban ësiri gwen.