Popular Bible Verses from 1 Petrus 5

Share

Zen in zep enlala betekkam nen ki anakare enlala naban lowehe gwen, “Ëe an Soson Zini Alap mo taha terenakë gwë gweꞌan.” Zep nëre mae mo ëngalap gwe-gwen enlalana kïtak Zëbon en onak nen ëblol gwe-gwen, sap Zen man nësa kwasang naban kara ta gwibirida. Kirekame lowehe gweꞌak, ki Zen sa lamkam nëbe mae hap bose dawemna golzim zira.

Sap nen awe karek goltowe gwen ennak molye holokam lowehe gwek, sap kwasang-kwasang Zini Alap nabakam sa nësa mas gwibirida zala. Zen sa nësa soson tabiri, hen gol mokosa de etan eiyas tandan makan sa nësa tatete tabiri. Sap nen an zen– Alap zëre mo kwang guludan wenyaye, Kristus hun de zeraha-en gwen nakon dikim Alap zëre mo ngatannak hëndep denaban lowehe gwen hap.

Nen ki nënaka dawem enkam golëinik gwe-gwen, deban janam-janamkam nen lowehe gwen. Sap nëno mae mo jal zini, dowal mo kïgïna, zen man tësen lwa jal-jal mo kim yïl-yïlï ban tïl gï nïsen gweꞌara– mae hap, “Ëe an narasaë tan?” Zep Kristussu de taïblïblan ennak de tatem ëzauk gwenkam nen zereijan. Hen anakan nen ki ëenlala gwe-gwen, “Ano mae mo Kristen bose walya tïngare langnak kirekam de kareknak hen tatem ëzauk gweꞌan.”

Zen in zep enlala betekkam nen ki anakare enlala naban lowehe gwen, “Ëe an Soson Zini Alap mo taha terenakë gwë gweꞌan.” Zep nëre mae mo ëngalap gwe-gwen enlalana kïtak Zëbon en onak nen ëblol gwe-gwen, sap Zen man nësa kwasang naban kara ta gwibirida. Kirekame lowehe gweꞌak, ki Zen sa lamkam nëbe mae hap bose dawemna golzim zira.

Domba zahokam de wenya, emki ere mae mo nol-nola blikip gwesibirida gwen. Hen enlala betekkam emki lowehe gwen– ëbabu gwe-gwen zini men kirekam lowehe gwenanke. Sap Alap mo olak man lwak, “Alap bolte-bolte zisi man husus gwibirida gwenda, hwëna enlala betek zisi man kwasang gwibirida gwenda.”