Popular Bible Verses from Aroom 5

Share

Alege tama baai mɛ ale ka wabaata nyam la, Kirisita zaani ka tama naŋkula po a kpi te ti. Nya kude abe a sak ka Wen ale ta yaalika nalimnyiini ale ti diila.

Wen pai wa Chiika nyo ka ti suiniima po nalimnyiini. Chiika abe ale Wen tiirim ate wa pai te tama. Wa be va ka Chiika de nyiŋ a pai wa yaalika a sueri ti suiniimaŋa. Dila ale soa ate yiila ŋaai ate ti ta la daa kinla nyiŋŋa.

Daa ti ale maa chaab ale wa a ta wa zulaŋa la ale basi ate ti sue peenti, alege nuruba dan poom basi ate ti a nam, ti sue le peenti kama. Dii nyiŋla, tama seba ayen ninammu de a basi kama ate ti a ta chichiiba ninammu po. Ti suiduŋmaŋa a basi kama ate ti a chim wensie nyam. Nya kude abe a te ti ka yiila ŋaai ate m poom weeni la. Yiilaŋa de abe daa kinla nyiŋŋa.

Dila nyiŋla, ku ka ti siaka nyiŋ ale soa ate Wen baga nye ate ti chim wayɔrisima nyam. Dila abe le soa ate tama va Yeezu Kirisita ti Nyɔnɔwa nyiŋ ate tama ale Wen a yaa ta suiyɔgni ale chaab. Ti siaka ale Yeezu Kirisita nyiŋ mɛ abe le soa ate ti baga a nya Wen niaka nyeka ate wa ta ale ti la. Wa te ti ka yiila ale ŋmanteka ayen dai yeŋ po Wen ale tama le jam maa chaab a ta Wen zulaŋa.

Di po ti an jam ta pagrim a maari ti dega. Alege ka da dii dai ate Wen lueri la ate Kirisita yaa zaani tama tuimbaata nyama naŋkula po a kpi te ti.

Wa kummu nyiŋ abe ale soa ate Wen baga a nye ate ti a chim wayɔrisima nyam. Ase Wen dan baga a nye ate tama a chim wayɔrisima nyam Yeezu kummu nyiŋ, be ka boa le ku kasi ate wa kan vari ti waali kaai ate wa le te ti la po a basi Yeezu nyiŋŋa?

Nuru yeŋ ale jam zɛri Wen nɔi vaka la, dila basi kama ate nuru boari chim tuimbaata nyam wala nyiŋ. Nuru yeŋ mɛ ale jam va Wen nɔi la dila basi kama ate Wen nye ate nuru boari chim wayɔrisima nyam.

Daa ku meena abe ale dila. Wa dii ale ŋman gum du la ale, Wen basi kama ate ti sue peenti nna yegayega ale wa ale va Yeezu Kirisita ti Nyɔnɔwa nyiŋ a nye dii a te ti la. Yɔgyɔgla de be ka Yeezu Kirisita ale nye ate tama chim Wen doaba.