Popular Bible Verses from Aroom 11

Share

Boan nyiŋŋa, ka wa Wen ale nye ŋanta meena tɛŋzuk de. Ŋanta meena abe kasim boro ka wa pagrimu nyiŋ. Ba boro kama ayen ba a te wa masim. Ku a fɛ kama ayen ti a te Wen pimpauk diipo meena wuu. Ku be nye dila.

Wen jigsi ka nna yegayega ale yam ale sebika. Ka wana le baga a miŋ wa popolaŋa ale ka diila? Ka wana le baga a miŋ dii nyiŋ ale soa ate wa a nye dii meena ate wa a poli ayen wa nye la?

Ase Wen gbaŋka ale weeni dii ayen, <<Ka wana ale seba Naawen popola? Ka wana le baga a sak wa? (Azaya 40:13)

Jinla danni ku be ka dila dekdega. Nuruba maga be tali kama. Wen be va ka wa ŋmanteka nyiŋ a lueri ba. Wa le lueri ba la ka wa ŋmanteka nyiŋ, daa ba le tom diila nyiŋŋa. Wen luerika dan ka ba le tom diila nyiŋ wa ŋmanteka ŋman daa wensie ŋmanteka.

Wen a wɛ kpaam ti maŋka naŋsaŋa gela kama, a pai kpaam ti yiok naŋ a tom du. Nama baai ale kan daa Juuba la a nye ase ka ti yeoku la a yaa maara de Juuma chiika po nyuvuri. Dila nyiŋla ni kan a nak kuusa ase nama gaam Izirali demma kama la. Ku a fɛ kama ate ni teeri ayen daa tiimu naŋsaŋa ale ji tiimu kinni a ta za alege ka bu kinni ale ji bu naŋsaŋa a za.