Popular Bible Verses from Pa Sakka 12

Share

Kirisita ka Wen nidoabinni waai ale kpi la. Ka wala ate ti suataŋa a jam sak nuruba wa wie alege a jam gomsi badek mɛ ayen ba kpi wa nyiŋla. Wieŋa de meena ale jam soa ate ba nak yiak Sitaana.

Ate mi yaa wom lueluk kpioŋ ale ku nyini wenŋmazuk a weeni ayen, <<Yɔgyɔgla de Wen varibasika a jam kama. Yɔgyɔgla de Wen a sak pagrim kama ase naab la. Yɔgyɔgla de Kirisitawa a sak wa pagrimu kama. Diila waai ale jam zaani Wen niŋ a toariŋ ti suataŋa yok ale kantueŋ la, ba yiak wa a basi kama.

Wen maarɔma yaa yiak ba ayen ba siŋ tɛŋzuk a bo dula. Jaab kpioŋku de ale a neensi waamu la yuei jam le jabiok yaase Sitaana. Wala ale jam paasi tɛŋzuk de nuru meena la.

Nama baai meena ale bo wenŋmazuk la basi ate ni sue a peenti. Alege ku le toa kama tɛŋzuk demma meena jigi, diila jabioku a siŋ jam ka nama jigi. Wa abe ta ka suipuurum dii nyiŋla wa daaŋa an soa dii ya.>>

Ate Wen maarɔma ale ba kpagni Maakil, a yaa tigsi chaab ayen ba nye kpaliŋ ale jakpioŋku ale a neensi waamu la ale wa maarɔma wenŋmazukku po.

Alege jakpioŋku ale jam nya dii ale nye la, ate ka sui yaa ŋman kaasi nna yegayega ale nipowa. Ka yaa ŋman pilim cheŋ ayen ka tu chaab a nye kpaliŋ ale baai meena ale a siak a te Wen sinsaŋŋa ale a weeni nuruba ayen Yeezu ale soa ba la. Bala chaama ka nipowa bisa.

Ate wakperikaliik kpien yaa jam nye wenŋmazuk. Nipok ate wenbinni a lik wa, ate chiika a bo wa naŋtaata po ate chiŋmarisa pi ale siye zutok a vuk wa zuk. Wa jam ta ka puuk a boro a yaali ayen wa biak, wa yaa jam a kaari ale nyiŋ wula.

Nipowa yaa jam biak nidoabili waai le wa chim a soa tɛŋka meena nuruma ale pagrim la. Jaab yaa jam chiak biika wa jigi a pai te Wen dii ale jam kali wenŋmazuk wa naamu zukpaglika zuk la. Nipowa yaa chali ga jo sagi po. Wen ale jam gomsi jigi magsi te wa. Wa ale bo ka dula ate Wen a nya wa nalimnyiini ate ku ga paari daa tusidi ale kobsiye ale pisiyuebi (1,260).

Wakperikaliik ka choa a yaa ŋman nye wenŋmazuk. Jakpioŋ ale jam a neensi waab mɔnuŋ la jam bo du. Wa jam ta ka zuima ŋayopɔi ale nyiila pi ale zutɔgsa siyopɔi wa zuimaŋa meena. Jaamu de jam labi chiŋmarisaŋa a soa se ka chaab la buta, a yaa lueri kaukku kunyi a yaa pai wa juiku a dari chiŋmarisaŋa meena a lɔnsi tɛŋ. Wa yaa nye dila alege za nipok waai ale a yaa wa biak la niŋ, ayen wa dan biak nueri abe wa nɛ biika.

Ba yaa pai jiiruk kiŋkaŋŋi kpiema ŋaye a te nipowa ayen wa yiti cheŋ sagni po, ale ba le nya wa zuk a ga paari bena ŋata ale chiisa siyuebi ate jakpioŋku a kan nye wa wariya. Jakpioŋku yaa basi ate nyiam nna yegayega a nyini ka nɔnni po a nyini ase beli la, ayen nyiamu ji nipowa a ta cheŋ bɛ. Alege tɛŋka a jam nyu nyiamu meena ate bu an paari nipowa.