Popular Bible Verses from Wamagsima 11

Share

Waai ale a te nuruba ŋanta la ale jigsi, ate waai mɛ ale a maari nuruba la, ba le maari wa mɛ.

A te ate fi kasim a jigsi. Ta butuem ate fi ale jɔk meena.

Kanjanta ale ta nuru a jo chivie po, alege fi dan ta fidek a siŋ tɛŋ, yam ale cheena.

Yam niŋdeerɔba a dan kan boro, tɛŋ a lɔ kama. Fi dan ta sagrɔba a piisi ku nala kama.

Wayɔrisima nyɔnɔ yɔna ka nyuvuri tiib, waai ale vari nuruba nyuvoa a basi la ka yam nyɔnɔ.

Bumbobrɔ a biisi ka wa susuga, alege waai ate fi ta mariŋka ale wa la, fi ta sebchakka ale wa kama.

Nuru waai ale ta jiirim la a nya wa tutuna kama alege gaasa nyɔnɔ ale kaasi ka wadek.

Waai ale a ta sebchakka ale wa jigsika la a lɔ kama, alege wayɔrisima nyɔnɔwa ale chim a nyaksi ase ka tiib va yɔksa la.

Jigsi a kan maari fu buusa danni, alege bo maŋ ale yeeri fu a nyini kum po.

Wayɔrisima nyam wensie a gani ba kama, alege venta a kaasi baai ate fi ka mariŋka ale ba la.

Nipok waai ale kan ta kiri la, a nye ase ka deri ate ba pai ligmɔniŋ nifelinni a su di nyueri la.

Naawen a kisa venta ŋanmagsinta kama alege mariŋ wensie dobrim.