Popular Bible Verses from Chiinika 14

Share

Ka nama tin kan nye tukpari ale Naawen ya. Abe ni kan chali tɛŋka nuruma yɔgsummoa, dii nyiŋla ti le zak ba a nɛ. Waai a kan nya ba zuwa, alege Naawen a bo ale ti kama. Ni kan chali ba yɔgsum.>>

<Naawen sui a kan kpabi a puuri, wa ta ŋmanteka nna yegayega a vɔŋ tukpari nyam biem a te ba. Alege wa kan basi baai ale nye kaasi la namsika, wa a namsi bimbaansa ba koma biemu nyiŋ, a nyini gaŋsa butawa a ta ga paari bunaansiwa po.>

Naawen sui a dan yɔk ale ti, wa le de ti niŋ a ta ti jo tɛŋ kala po, kaai ate biisim ale siita sueri ka po la, abe wa pai ka a te ti.

Alege mi tomteerɔwa Kaleb a ta ka chiik katɔga ale va mi ale wa suinum meena, m le ta wa jam tɛŋ kaai ate wa a yaali wa jo la po, ate wa ŋaaŋbisaŋa ale soa ka.

Dila weeni ba ayen, <Ka mi Naawen ale a weeni ayen, ase mi ale vua la, mi le nye wie ŋaai dek ate m wom ale ni a weeni ayen

Naawen a jam weeni Moosis ayen, <<Nuruma de ale zɛri mi zula te ka a paari ka dimpo? Ka dimpo ate ba ale kasim a zɛri a kan ta siaka ale mi, wakinkagla ŋaai meena ate mi a nye ba suŋsuŋ la?

Izirali demma meena a yaa fɔbili te Moosis ale Aaron, ate tigsuŋku a weeni ba ayen, <<Ti dan poom kpi Ejipiti tɛŋka yaase gɔnni po a zunchoŋŋa.

Nun nidoabinni Josua ale Jefunne nidoabinni Kaleb baai ale jam bo nuru baai ale ga kpesi nya tɛŋka la, a yaa jam dari ba gattaŋa a cheeri ale weeni Izirali tigsuŋka meena ayen, <<Tɛŋka ate ti jam va ka po a taam a kpesi nya la a nala kama a gaam taam.

Alege ase mi ale vua la nyiŋ, ase Naawen zulaŋa ale sum a sueri tɛŋ zuk de meena la, nuruma de wanyi baai ale jam nya m zulaŋa ale wakinkaglaŋa ate mi nye Ejipiti ale gɔnni po la, alege baai ale zɛri mi ale nye mi nya a paari naŋtuok nɔi pi la, ba wanyi mɛ la a kan nya tɛŋ kaai ate m puulim ale ba kokpieŋsaŋa la. Ba wanyi mɛ la waai ale nye mi a kaasi la kan nya ka.