1
Matiu 7:7
WEN GBAŊKA
<<Waai a daa yaali jaab, wa bek Wen ale wa le te wa, wa gisi mɛ ale wa le nya, wa dan za dɔkku nɔi a nak ku le lak te wa.
Compare
Explore Matiu 7:7
2
Matiu 7:8
Dii nyiŋ la nuru waai abe le a bek jaab wari la a nya kama, waai mɛ abe le a gisi jaab la a nya kama, waai mɛ abe le a nak dɔkku nɔnni la, ku a lagri kama a te wa.
Explore Matiu 7:8
3
Matiu 7:24
<<Waai meena ale a wom mi wieŋa de ale a va ŋa la, bala a nye ase ka yam nyɔnɔ waai ale se wa yeri a zaani pinjaaliŋ zuk la.
Explore Matiu 7:24
4
Matiu 7:12
<<Ni a tom tuimaŋsa a te nuruba ase nama ale a yaali ayen ba tom dii a te ni la. Moosis Sinsaŋŋa ale Wen biisiteerɔma Sinsaŋŋa kiri ale la.
Explore Matiu 7:12
5
Matiu 7:14
Alege nansuiŋ kuui ale a jo nyuvuri dii ale kan ta kpeglimka jigini la po chelim tua kama. Nuruba maga ale nya suik kula a va.
Explore Matiu 7:14
6
Matiu 7:13
<<Ni va nansuiŋ kuui ale migla la a jo, dii nyiŋla nansuiŋ kuui ale a jo kaasuŋ jigini la a lagri kama. Ate suik kuui ale a cheŋ du la po chelim an tua. Nuruba yegayega abe le a va ku.
Explore Matiu 7:13
7
Matiu 7:11
Nama ka nuru baata, alege ni seba ŋan maŋsa a pai a te ni bisaŋa. Ni Kowa waai ale bo wenŋmazuk la, a baga a te baai ale a puusi a te wa la, ŋan maŋsa kama.
Explore Matiu 7:11
8
Matiu 7:1-2
<<Ni be kan bo ni chaab buusa ate Wen kan bo nama mɛ buusa. Nama ale a bo ni chaab buusa diila, Wen mɛ ale bo ni buusa ka dila dek. Ni ale pai dii a nye, nuruba la, Wen mɛ ale pai dila dek a nye ale ni.
Explore Matiu 7:1-2
9
Matiu 7:26
Waai meena ale a wom mi wieŋa de alege kan va ŋa la, bala a nye se ka beruk kuui ale se ku yeri a zaani tintain busuŋ zuk la.
Explore Matiu 7:26
10
Matiu 7:3-4
Ka boa ale soa ate fi a nya yeoku fi suoku nummu po alege kan kpesi da koluku ale bo fidek nummu po la? Yaase fi ale nye ka sɛ a weeni fi suok ayen, <M suok, basi ate m yeeri yeoku fi nummu po, alege fidek an nya dakoluku ale bo fi nummu po la?
Explore Matiu 7:3-4
11
Matiu 7:15-16
<<Ni kpesi a nya venta biisiteerɔma. Ba dan jam ni jigi, ba a nye ase ka piisa la, alege ba suiniimaŋa po ba a nye ase ka piina la. Ni le seba ba ale ka baai la ba tuima nyiŋ. Kangbegi an baga a yɔni chicheba, zauŋ mɛ an baga a yɔni kinkama.
Explore Matiu 7:15-16
12
Matiu 7:17
Tiib maŋ a yɔni ka yɔn maŋsa. Tiib biok mɛ a yɔni ka yɔn baata.
Explore Matiu 7:17
13
Matiu 7:18
Tiib maŋ a kan yɔni yɔn baata. Tiib biok mɛ an baga a yɔni yɔn maŋsa.
Explore Matiu 7:18
14
Matiu 7:19
Tiib buui ale kaa a yɔni yɔn maŋsa la, ba a che bu kama a yuk a basi bolim po ate bu a dɛ.
Explore Matiu 7:19
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos