Popular Bible Verses from Matiu 28

Share

Ni cheŋ tɛŋsa meena a sak nuruba ate ba va mi, abe ni a te ba soka Kowa ale wa Nidoabinni ale wa Chiika yuei nyiŋ. Ni sak ba ate ba va wie ŋaai meena ate mi a sak ni la. M le bo ale ni a ga paari tɛŋka kpeglimka.>>

Yeezu yaa forisi paari ba a weeni ba ayen, <<Wen a te mi pagrim kama wenŋmazuk ale tɛŋzuk meena.

Maarɔwa yaa weeni nipooma ayen, <<Ni kan chali yɔgsummoa, mi seba ayen ni a gisi ka Yeezu waai ate ba kpi wa jabarimu nyiŋ la. Wa ka dela jigini, wa yiti kum po kama ase wa ale liŋ weeni ni diila. Ni jam a nya juijui ate ba pai wa a dueni la.

Yeezu yaa weeni ba ayen, <<Ni kan chali yɔgsummoa abe ni ga weeni m suataŋa ayen ba cheŋ Galili tɛŋka a ga tu mu dula jigini.>>

Kaabteerɔ kpaŋŋa yaa tu chaab ale Tɛŋka nisɔmma ate ba pai ligra yegayega a te tugurik tɔŋdɔma ale weeni ba ayen, <<Ni weeni ayen nama a doa a goa kama ate wa ŋaaŋviirɔma a jam zu pai wa. Gominawa a dan poom wom ti le biisi a vari ni basi.>> Tugurik tɔŋdɔma yaa tuesi ligraŋa ale weeni ate ku paari Juuma meena a ta jam paari jinla danni.