Popular Bible Verses from Jɔɔn 1

Alege baai ale a tuesi wa ale ta siaka ale wa la, wa te ba ka suik ate ba chim Wen bisa.

A nyini piilimka jam ka Wanni. Wanni abe jam bo ale ka Wen. Wanni abe jam ka Wen.

Wa nyuvunni a nye se ka bolim ate ba toati ate bu a nya legi po diila. Legini an baga a kpimsi bolimu.

Nyuvuri Wanni a jam chim ka nurubiik a bo ti po, ale ŋmantiik ale wensie. Wa nyiini ale wa Kowa Biik. Ate ti nya wa zulaŋa ale wa nalimu ate wa tuesi wa Kowa jigi la.

Wen a va ka wa zuk a nye tɛŋzuk jaab meena ale ŋan baai meena ale bo wenŋmazuk ale tɛŋzuk la. Jaabuui meena Wen a va ka wa nyiŋ a nye. Nyuvuri dii ale kan ta kpeglimka la, a bo ka Wanni jigi. Nyuvunni de ale ta bolim a jam tɛŋzuk ayen nuru meena a nya.

Vari le veenti la Jɔɔn yaa nya ale Yeezu a duŋ wa nyiŋ, ate wa weeni ayen, <<Ni nya Wen Pabiika a cheena waai ale vɔŋ tɛŋka demma meena biemu a te ba.

Nyuvuri Wanni a jam bo ka tɛŋzuk de. Wen a va ka wa nyiŋ a nye tɛŋzuk de, alege tɛŋka meena demma a jam zɛ wa. Wa jam ka wadek tɛŋka demma jigi alege ba zɛri wa.

Wala a jam le bolim maŋka dek buui ale jam tɛŋka meena po, ayen waai meena a baga a nya suik a bo bu jigini.

Wen ale basi ate Moosis a pai wa Sinsaŋŋa a te nuruba alege ka Yeezu Kirisita nyiŋ ate Wen a sak ti wa ŋmantiika ale wa wensieŋa.