Popular Bible Verses from Azaya 6

Share

Ate mi yaa wom Nyɔnɔwa lueluk a weeni ayen, <<Ka wana ate mi ale tom wa? Ka wana ale wa cheŋ a te ti?>> Ate mi a yaa weeni ayen, <<Mi ale nna. Tom mu.>>

Ate ba yaa a wi chaab a weeni ayen, <<Weleŋsa, weleŋsa, weleŋsa ale Naawen Dii Ale A Dɛ Tugurik Tɔŋdɔma Niŋ La. Tɛŋka meena a sueri ale ka wa zulaŋa.>>

Mi yaa kaari ayen, <<Ku ale toa te mi. Mi ŋɔriŋ kama. Dii nyiŋla mi ka nuru waai nɔngbanvaata ale daŋ la, ale bo nuru baai nɔngbanvaata ale daŋ la suŋsuŋ, ate mi ninaŋa a nya Naawa, Naawen Dii Ale A Dɛ Tugurik Tɔŋdɔma Niŋ La.>>

Bein diipo ate Naab Yuzaya a kpi la, mi a nya Nyɔnɔwa ale wa kala naam zukpaglik zuk nna wenwen ya a ta zula. Ate wa garukku noaŋa a pati lik Wen yenni.

Wa yaa pai tiri mi nɔngbanni ale a weeni ayen. <<Nya, kude a tiri ka fi nɔngbanvaataŋa. Wa yeeri fi foolaawa a basi kama, ale vɔŋ fi wabaataŋa a te fu.

Naawen maarɔ baai ale ta kpaŋta wenŋmazuk la a yaa za Wen ŋmazuk geŋ. Maarɔma wanyi meena a jam ta ka kinkaŋŋa ŋayuebi. Ba a jam pai ka kinkaŋŋa ŋaye a lik ba ninaŋa, ale pai kinkaŋŋa ŋaye a lik ba naŋsaŋa, ale pai kinkaŋŋa ŋaye a yiti.

Ate maarɔma po wanyi a yaa yiti jam mi jigi, wa jam pai ka jaab a chabli bolim kaali wa nisa po a nyini juka kuŋkuŋku zuk.

Wa yaa weeni ayen, <<Cheŋ a ga weeni nuruma de ayen, <Ni ale kasim a wom alege ni a kan miŋ ku kiri ya. Ni ale nya alege ni kan baga a miŋ dii ate ni a nya la kiri ya.

Nye ate nuruma de suiniimaŋa a ta gaasa. Nye ate ba tueŋa kan a wom, abe fi lik ba ninaŋa. Dan kan daa di ba ninaŋa ale nya ate ba tueŋa ale wom, ate ba nya miŋ ale ba suiniima, ate ba tulim a nya tebika.>>