Popular Bible Verses from Yiburu 9

Share

Nurubiik abe ale a kpi ka bunyi dekki la, Kirisita mɛ abe kpi ka bunyi dekki a nye kaabka ayen wa duisi nuru boari wabaata basi. Wa be le ŋman pilim jam kama. Wa dan pilim jam, wa kan ŋman duisi ka nuruba wabaata a basi, alege wa le vari ka baai ale a limisi wa jamka la a basi.

Ku be dan ka dila, nama dek abe poli nya ase Kirisita ziimu le nye ate nuru welema a soa ase ka sɛ la? Kirisita waai abe ale kan ta kaasuŋ la, be va Wen Chiika, waai ale boro taam wuu la pagrim nyiŋ, a pai wadek a nye kaab weleŋ te Wen. Dila a te ni ka suik ate ni a tom a te Wen dii ale vua la.

Ku a fɛ kama ayen nurubiik a kpi bunyi dekki. Wa dan ga kpi, Wen le bo wa buusa kama.

Wensie, Sinsaŋŋa abe ale a weeni diila ale nna ayen, ka ziim ale a lo tɛŋ ate jaab meena a chim jaweleŋ. Ziim abe dan kan lo tɛŋka, wabaata vɔŋteka karo.

Dila nyiŋla, Kirisita ka waai ale ka tama ale Wen sanyigmoa la. Wala ale nye ate tama ale Wen a ŋman nye nɔiyeŋ paalik, ate baai ate Wen wi ba la a yaa nya wa ale puulim ayen wa le te ba nyuvuri dii ale kan ta kpeglimka la. Nya kude abe sum ka wensie dii nyiŋla, kum ale ko a da tuesi nuruba ba wakaasima po a basi, wie ŋaai ate ba jam nye kaasi diipo ate ba liŋ jam ta nɔiyeŋka ale Wen la.