Popular Bible Verses from Yiburu 2

Share

Yɔgyɔgla de, wa yaa be baga a maari ba kama diipo meena ate Sitaana a ta nyenyaka a jam ba jigi la. Boan nyiŋŋa, wadek jam nya nyenyaka kama ale ninam.

Bisaŋa de ale ka nurubisa la nyiŋ ale soa ate Yeezu dek mɛ a chim nurubiik ase bala la a maari a tom nurubiik ale a tom diila. Wa nye dila kama ayen wa baga kpi ate wa yaa nye ate jabioku pagrimu nueri dii nyiŋla, jabioku ta ka pagrim a nye ate nuruba a kpi.

Nyaŋa de meena ate m biisi ŋa wie la nyiŋ ale soa ate ku a fɛ ayen ti ŋmasi lak tue a wom ŋaai meena ate ti wom la, ate ti kan basi ŋa vaka abe ti cheŋ bɛ.

Ku be ale nye dii ate wa jam baga nye dila la, ale ku jam a fɛ kama ayen wa a nye wari meena ase wa suataŋa la ate wa baga yaa tom a te Wen ase kaabteerɔ kpioŋku la. Kaabteerɔ waai ale ta jiirim ale wa suataŋa la, ale wa ta wensie ale Wen a ta va wa ale weeni wa ayen wa nye diila. Wa tuini ate wa chim kaabteerɔ kpioŋku ayen wa tom la ale, wa tom a te Wen ate wa duisi nuruma wabaataŋa a basi. Wabaataŋa de ale soa ate nuruma yalima ale Wen.

Alege ti nya ka Yeezu nyiini ale soa ŋanta meena a nya. Wen nye kama ate wa pɔsima maga dega a gaam maarɔma alege ku an beni gaam taam ya. Dila powa, nuruba le jam basi ate wa nam a kpi ayen Wen ŋmanteka nyiŋ wa tagri waai meena zuk a kpi te ba. Yɔgyɔgla de ti be a nya wa ase wa ka naab la, ate nuruba yaa te wa pimpauk ale zula.