Popular Bible Verses from Galatia 5

Share

Alege Wen Chiika ale a nye ate nuruba a ta wie ŋaai la ale yaalika ale popeentik ale suiyɔgni ale chichiiba ale zula teka ale wamaŋsa tuima ale wensie ale zaab m dek ale yik m dek. Sinsaga karo a weeni ayen nuru kan nye wieŋa de.

Dila nyiŋla ni lak tue wom m le a weeni ni dii ayen ni basi ate Wen Chiika dɛ ni niŋ wie meena po ate ku kan nye ase ni a tom ka nidek ŋanyaalik tuima la.

Be ka Wen Chiika ale te ti nyuvuri. Ni be basi ate wa soa ti ale wie meena wuu ate ti a nye la.

Nuru baai ale ka Kirisita bisa la a basi wie ŋaai meena ale ka wabaata ate ba jam a nye la kama. Ku a nye se ba pai wieŋa de meena a nak kpi ka Yeezu Kirisita jabarimu nyiŋla.

Nama dek seba nurubiik dek popola a ta nyini wa suinum po ale ka diila kama. Ŋa an bola sugiya. Wie ŋaai ate nurubiik popola a basi ate wa a nye la ale, nipok yaalik ale nidoa yaalik ale daŋta tuima ale kaboŋsa tuima ale bɔgta kaabka ale sampoporinni tuima ale kisi chaab tuima ale kpaliŋsa ale nyuri dɛka ale suipuurum ale degaamka ale poori chaab ale nyanueriŋ ale ninŋmaarima ale daam bukka ale kanjanta ale wieŋa chaab meena. Mi a yaali ayen m ŋman kaam ni kama ase m le poom liŋ kaam ni diila, baai meena ale a tom nyaŋa de chaab la a kan maa nya Wen Naamu.

M suata, Wen wi ni kama ayen ni kan ŋman chim Moosis Sinsaŋŋa yɔmma. Ni be ale ŋman kan daa yɔm la, ku a fɛ ayen ni kan poli ayen ni nye wari dii meena ate ni a yaali la. Ni basi ate yaalika bo ni suŋsuŋ ate ni a tom a te chaab.

Nurubiik nyiŋka ale a yaali diila a kan va chaab ale Wen Chiika ale a yaali wie ŋaai la. Wen Chiika ale a yaali wie ŋaai la a kan va chaab ale nurubiik ŋanyaalika suiku. Ŋantaŋa de bayewa yaalika ka dachaasa ale chaab. Dila nyiŋla waai ka suik a nye dii ate wadek a yaali la.

Boan nyiŋŋa, sinsaŋŋa meena a gum chaab ka Sinsak yeŋ. Sinsak yeŋka de ale, <<Yaali fi vaanchoa ase fi ale a yaali fidek diila.>> (Kaabka 19:18)

Ni kan basi ate ti ta kanjanta, abe ti a nye ate chaab sue a puuri yaase ti a yaali chaab ŋanta.

Ni soa ka nidek yɔgla. Dii nyiŋla, Kirisita yeeri ti kama a ta nyini yɔmma po a nyini. Dila nyiŋ ni be ŋmasi yik nidek ate ni kan ŋman chim yɔmba.