Popular Bible Verses from Teerika 8

Share

Alege ni a teeri Naawen ni Wenni, ale ka wa la ale ni pagrim ate ni ta ŋanta, ni be ta wa nɔiyeŋka kaai ate wa pɛ ale ni kokpieŋsaŋa la ase ku ale ka dii jinla de la.

Wa jam te ni yik nidek a basi ate kɔm a yik ni ale ŋman te ni ŋandiin tii ate ba a wi ayen, wenzuk ŋandiinta la ate ni dɛ, ŋandiin tii ate ni poom zɛ ni kokpieŋsaŋa mɛ a jam zɛ la, ate kula a sak ayen nurubiik an boro ka ŋandiinta nyiini nyiŋŋa alege ka wa dii meena ale nyini Naawen nɔi po a nyini la.

Ni a teeri Naawen dii ale ka ni Wen la ale nye dii a te ni diipo ate ni jam bo gɔnni po a paari bena pisinaansiwa la ayen ni yik nidek ale nye ni mɛ ayen wa nya ase ni suiniimaŋa ka sɛ, abe ni le ta wa wieŋa yaase ni kan ta ŋa.

Da dii dai ni ale weeni nidek kama ayen, <<Mi pagrimu ale m nisima tuima nyiŋ ale soa ate mi a nya ŋanta.

Ni be kpesi nidek nalimnyiini ate ni kan baŋ Naawen dii ale ka ni Wen la wari ya yaase wa wieŋa ale wa buusaŋa ale wa ŋmarisika ate mi a te ni jinla de la.

Ni be a seba ni suiniimaŋa po ayen ase nuru ale a dari wa biik tuiri diila, Naawen dii ale ka ni Wen la mɛ ale dari nama mɛ tue ka dila.

Ate ni yaa dan dɛ chak, ni pak Naawen dii ale ka ni Wen la wa ale pai tɛŋ naliŋka a te ni la nyiŋ.

Ni a teeri Naawen dii ale ka ni Wen la wieŋa, abe ni a va wa suitaŋa abe ni a zuli wa.

Wa te ni <wenzuk ŋandiinta> gɔnni po ate ni dɛ baai ate ni kokpieŋsaŋa a poom zɛ ba la ale nye ni nya ayen ni yik nidek ate kpeglimka abe wari meena a cheŋ nalimnyiini a te ni.

Ase ni be a dan dɛ chak ale sɛ yie maŋsa a bo ŋa po, yaase ni niiŋa ale ni piisaŋa ale ni kpanaŋa ale ni ligmɔniŋka ale ni ŋanta mbala meena a dan piisi a gum du, ni be a seba ate ni kan ta kanjanta abe ni baŋ Naawen dii ale ka ni Wen la wie, waai ale vari ni a ta nyini Ejipiti po a nyini tɛŋ kaai ate ni jam boro ase yɔm la.

Nama Naawen dii ale ka ni Wen la a ta ni cheena ka tɛŋ naliŋ kaai ale ta buboalisa ale bela ate nyiam a bo ŋa po, ale ta vila vaasaŋa po ale guutaŋa zuima; ale ta ŋandiinta tɔgatɔga, ale ti sii ale a yɔni yɔna ale kinkaŋsa ale ti sii yɔna ale a te kpaam la, siita mɛ a maa boro kama, ka tɛŋ kaai ate ŋandiinta a ka kɔm ka po ni kan yaali jaaboa; ka ka tɛŋ kaai ate pinaŋa a chim kuta ate ni baga a tu a yeeri kutuk mɔnta guutaŋa zuk.

Ni be va wa dii ate mi a pai a te ni jinla de la, dii ale ku basi ate ni vua abe ni piisi a jo tɛŋ kaai po ate Naawen a pɛ ale ni kokpieŋsaŋa ayen wa ale pai ka a te ni ate ni soa la.

Ni kɔlimaŋa ate ni jam jo la an jam cheeri ya ni naŋsaŋa mɛ an jam fuusi ya diipo ate ni jam bo gɔnni po a paari bena pisinaansiwa la.

Wa ta ni a nyini gɔi kpienni po kauk kuui ate waapiisa ale nuenta a boro la a nyini, kauk kuui ate nyanyuila a boro alege tɛŋka mɛ a ko. Wa jam basi ate nyiam a nyini piuŋ pagrik po a nyini ate nama a nyu.