Popular Bible Verses from Teerika 28

Share

<<Ase ni dan va Naawen dii ale ka ni Wen la ale va wa wieŋa meena ate mi a te ni jinla de la, Naawen dii ale ka ni Wen la ale basi ate ni gaam tɛŋsaŋa meena tɛŋzuk de.

Niaka de meena ale jam ni jigi ase nama a nin wom Naawen dii ale ka ni Wen la nɔi.

Naawen ale basi ate ni chim zuima ni kan chim juita. Ase nama a dan wom Naawen dii ale ka ni Wen la wieŋa nalimnyiini ŋaai ate mi a te ni jinla de la, nama ale kasim boka ŋmai ni kan siŋ tɛŋa.

Naawen ale lagri wenŋmazukku ŋantaŋa ale bo dɔk kuui po la a basi ate ŋmoruk a ni ni tɛŋka po abe wa niak ni nisa tuima meena. Nama ale te tɛŋsa yegayega ŋanta alege a kan tuesi jaab tɛŋ sila jigi ya.

Naawen ale te suik ate ni nak yik ni dachaasaŋa meena. Ba le va ka suik yeoŋ a jam ni jigi alege ni le vi ba ate ba va suik boari a chali.

Naawen ale niak ni booŋa ale wa dii meena ate ni pai ni nisima a nye la. Naawen dii ale ka ni Wen la dek ale niak ni tɛŋ kaai po ate wa ayen wa te ni la.

Ni le nya niaka ni le a jo ale a nyini.

Ni le nya niaka ni tɛŋ fiisaŋa po abe ni nya niaka tɛŋ kpieŋka dek po mɛ.

Ni le nya niaka ni bisaŋa zuk ale ni kpanni ŋantaŋa ale ni duŋsaŋa, naabisa ale pabisa.

Naawen ale nye ni ase wadek nuru weleŋsa la, ase wa le puulim ayen ni dan ta Naawen dii ale ka ni Wen la wieŋa ale a va wa suitaŋa mɛ la.

Ni le nya niaka ni busisaŋa ale ni ŋandiintaŋa zuk.

Naawen ale niak ni ale bisa. Ni duŋsaŋa mɛ ale piisi abe ni ta ŋandiinta tɛŋka po ase wa le puulim dii ale ni kokpieŋsaŋa ayen wa te ni la.

Ate nuruma meena tɛŋzuk de ale nya ayen ka Naawen ale wi ni ate dila ale basi ate ba a chali ni yɔgsum.

Ni kan basi wie ŋaai ate mi a te ni jinla de la ŋaaŋ a ŋmani juga yaase gala a va bɔgluk yonta.

Alege, ni dan kan wom Naawen dii ale ka ni Wen la alege zɛri an va wa wieŋa ale wa ŋmarisika ate mi a te jinla de la nalimnyiini, kikaasaŋa de meena a cheen ka ni jigi.