Popular Bible Verses from 1 Piita 3

Share

alege ni ta Yeezu Kirisita ni suiniima po, abe ni a zuli wa ase Naawen la. Ni gomsi nidek ate nuruba a dan bek ni, ni ale ta yiila wa jigi diila, abe ni weeni a sak ba. Alege ni kpesi nidek ate ni tulisika po, ni te ba zula abe ni seba nidek yikka. Ni ta popola yena ale Wen, ate nuruba a dan le ni, ni ale chim Kirisitawa ŋaaŋviirɔba a tom tuimaŋ sii a te wa la, abe chivie yik nuru bala chaab.

Dii nyiŋla, Naawen a nya baai meena ale a tom tuimaŋsa la zuk kama ale a wom ba puusa. Alege pai ŋaaŋ a te baai ale a tom tuimbaata la.>> (Yiila 34:12-16)

Ni kan kasim a yaali ni zuima bobika, abe ni a su nifelima ŋaai ale a nyaksi ate ŋa diak a pagra la abe ni a jo garuk naliŋta ayen ni nala. Alege, popo nalimu ale nalim, buui ale kaa nyini, bula be ka ŋmam ŋmam nyeka ale chim chim nyeka, bula abe le nalim dek Naawen nina po.

Dii nyiŋla, <<Waai a dan a yaali ayen wa nya suipeentik, ku a fɛ kama ayen wa kaa biisi wabulɔrisa abe wa a velim wie. Abe wa basi wa tuimbaataŋa tomka abe wa a tom tuimaŋsa, abe wa pai wa yaalika ale wa suinum meena ayen nuruba boro ale suiyɔgni.

Basi ate m pai wieŋa de meena a sak ni. Ni basi ate ni nyeka a chim bunyi, abe ni ta popola yena. Ni ta yaalika ale chaab ase suata la. Ni a zuli chaab abe ni ta jiirim ale chaab. Nuruba a daa nye ni biem, ni kan pai biem a tuni ba. Ba dan ka te ni, nama mɛ kan ka te ba. Alege, ni weeni ba ayen Wen le maari ba. Dii nyiŋla, Wen ale jam lueri ni la, wa jam puulim kama ayen wa le te ni niaka.

Ni dan kasim a yaali ayen ni a tom tuimaŋsa, ka wana dek ale wa nye ni biemmoa?

Abe wa basi wa tuimbaataŋa tomka abe wa a tom tuimaŋsa, abe wa pai wa yaalika ale wa suinum meena ayen nuruba boro ale suiyɔgni.

Boan nyiŋŋa, ku zunchoŋ kama ate nuru nya ninam tuimaŋsaŋa nyiŋ, ase ku nin ka Wen yeŋka a gaam nuru ale nam tuimbaata nyiŋ.