Popular Bible Verses from 1 Korinti 15

Share

Dila nyiŋ m suata, ni chiib a zaani nalimnyiini. Ni kasim a tom Naawen tuimaŋa ale ninmuna, ni ale tɔlim seba ayen dii meena ate ni tom a te Naawen la daa kinla nyiŋla.

Alege ti a nye Wen jiam Yeezu Kirisita ti Nyɔnɔwa nyiŋ ate wa a te ti pagrim la.

Ni abe kan te nuruba a paasi ni. Ni dan pai nidek a maŋ nuru kaasuŋta ba ale kaasi ni.

Alege Wen ŋmanteka nyiŋ jinla mi ale ka nuru waai choa nna, Wen ŋmanteka nyiŋ mi an nye kaasi ya. Mi abe tom kama a gaam Yeezu tuimtomdɔ mbala, alege daa mi dek nyiŋŋa ka Wen ŋmanteka nyiŋ ate m baga a tom.

<<Bu pagrimu a bo ka bɛ? Bu pagrimu a bo ka be a koani nuruba?>> (Yosea 13:14) Kum a nya bu pagrimu a nyini ka wabaata jigi ate wabaata a nya ti pagrimu Sinsaŋŋa jigi.

M le weeni wasusugi ate ni wom. Ti meena a kan deri kpi alege ti dan wom damuniŋ ale ka peeri wenŋmazuk ti nyiŋsaŋa ale deri tagri ka nna yilibi. Ba dan peeri damuniŋ Kirisita bi sii ale kpi la ale yiti kum po. Ba abe dan yiti ba kan ŋman kpi. Tama baai ale diem bo tɛŋzuk de la nyiŋsaŋa ale deri tagri.

Nuru yeŋ nyiŋ abe le soa ate nuruba a kpi la, wanyi me nyiŋ ale soa ate nuruba a yiti kum po. Baai meena ale Adam ale ka bunyi la a kpi kama, dila nyiŋ me ate baai meena ale a chim bunyi ale Kirisita la wa basi ate ba yiti kum po.

Dila la jabuui ale a poak la ale tagri a chim jabuui ale kaa poak la, ate jabuui ale a kpi la ale tagri a chim jabuui ale ka a kpi la.

Kirisita ale kasim a dɛ wa naamu kama ate Wen a ga nak yiak wa dachaasa meena ate Kirisita tabi ba zuk. Dachiak kaai ate Wen za wa nak yiak a kpeglim la ale kum.