Popular Bible Verses from Gokhini 8

Share

À ndùku mô te Wâ Njyə̀ bə̀ha le ale, na wu nê hi mô sàmba, luktu china kə nyə̂ ni moŋ hi tàn a bəh a mbɨŋlu.

Anjèl à Fùyèn yì shyə̂ toŋ yi soŋ yi wuni, temù nì wusu yîmì hi chwo a chyə̂ ma ghɨ ti fwəh nì luŋû. Mwə̀ mù tɨ̂n chwo ni, nyok bâh à chyə ale atɨ̂n à bàh wù tât, wù fî ni kəbi yâ nì kàkû fî nyok bâh à mòk a wù bàh tât, nì wəlânù nâ wù jɨ̀m.

Mu lohi a tû shihi ke a nyə̂ yen mbùk à wum yi fela chyâ nâ a nyə̂, jyê nâ a jyə̂ yì tâ na, “Wonê, wonê! Anjèlsu le sê sù tat toŋ soŋtu, ngə̂k yì chìk yìlè ben ha ghɨt ghe a ghɨ chyə a mbyî, bəma kə ni.”

Kùmtê à anjèl à Fùyèn toŋ yi soŋ yi wuni, ghɨ mak shyə a jwô yì chìk, ghɨ mô ni te kun yì chìk a yì bame

Kùmtê a anjèl à Fùyèn yìlè toŋ yi soŋ yi wuni, njên fu chik fu lefu lo a nyə̂ chem chwo a chyə̂, bana kə ni te tôs. Fu chem fî baŋ bâh a jwô à mòk atɨ̂n à bàh wù tât, baŋ bûk wù mòlû bâh à mòk atɨ̂n à bàh wù tât. Yet yi fu njèn mi fe mô “Yi lwî.” Bâh wu jwô mu we kahi hì lwê kə ni. Ghɨt a dona ghe a ghɨ nyo mòlû mù tɨ̂n kputî beka mù ndùku lwê.

Anjèl à Fùyèn yìlè toŋ yi soŋ yi wuni na à hi mô anjèl sù kìk. Shyə le kun bâh à yuchwî ale nì bâh à njoŋ ale, kəbi nì njèn mùlè, yê nâbi afa, finhe bâh à ban à mòk atɨ̂n à bâh wù tât. Chwì hì fê bana wi a mbɨŋlu sù kìk. Njoŋ ghê njènû hì fê bana wi a bɨŋlu sù kìk.