Popular Bible Verses from Gokhini 21

Share

Fu bè yàhàlò semù nâ mù jɨ̀m a ghɨna sê, ma kpu hi fê bu. Wùt bè fê kwohe wijə seni, jyê wi shyə ale, fê yafa wi, beka gha a mwo ti chyâ.

Wùt we a wù ndùku mô a wu kpòk wu tù fə̀nù mu we, ki jîs na, “Ghàn yen! Mu nè a gha à jɨ̀m ma ghɨ kahè hi mô a fê.” Wù fî jîs ha mu na, “Nyàk gha mɨ ghɨ̂n. Ghɨ mô kə nâ hamok, kpenê shyəma nâbi nde bimi.”

Mu fî yu jyə̀ yì tâ yìlè te yì fwo bênà wù kpòk wu tù fə̀nù afû, yì jis ha mu na, “Yên, Yènfù hì chyə ghê ghɨta chîn. Fu hi mô ghê ghɨna, ghɨna mô ghɨt a Wuna. Yènfù nâ a Wun a ngɨŋ hì mô ghê ghɨna.

Wù jis kəbi ha mu na, “Gha à jɨ̀m ti kpên! Mu mò Alfà fê mô Òmegà, a mô yìmi nì gokheni gha à jɨ̀m. Mu nè folò mòlû nâbi ha nde we a kuŋ à mòlû yima wûn, ma wù nyu, ma wù tê fo shyə. Mòlû muna nè fwo yi tok afa yi fo chyəna ha ghɨta.

A no yə nâbi nde be ma mu fo mòlû mu muna ha wûn ma mu hi mô Yènfù wun fu, ma wù hi mô wâ mù.

Ha ghɨt ghe a ghɨ fânà nì ghɨt ghe a ghɨ tà bimi jə̂ ha mu, nì ghɨt ghe a ghɨ nê gha ghe a ghɨ yule wi, nì ghê a ghɨ ywite ghɨta nì ghê a ghɨ chyə nì ywena makə lɨmànà a kəta wi ghɨna, nì ghɨta funyaka nì ghe a ghɨ ngumle mosòmù nì ghɨta fəma nâ à jɨ̀m, ghɨna kəta luk wu ghɨna a yi be afa a wusu bame atɨ̂n yâ ma ghɨ ti suh kànû atɨ̂n. Luk mu wûn ni mò kpû kumteni.”

Yi bàm a gha mɨ ghɨ̂n, mu yen nyə fe nì chyə a fe, ma a nyə ashyə nì chyə ashyə hi mô ma wu ti chyâ, bakhe nâ nì jwò yì chìk.

Mu ki yen te Yènfù chinhe Tèk yi yulani ye, a mô Jèlusalèm yì fê, yi chwo bênà a nyə̂ ma ghɨ ti fati labhi yini te ghɨ labhi ywê lɨ̂m na wù yê yen lɨm à wûn.

Tèk mi yina khɨŋa wi na chwì makə njoŋ hi bana atɨ̂n beka bân yi Fùyènì mò atɨ̂n, Wâ Njyə̀ fê mô lâm atɨ̂n. Ghɨt a tu lak tù jɨ̀m bè hì gbê a ban yi tɨni, fə̂n tu mbyî tu lyi ghak yi ghɨna ma ben nì yini atɨ̂n.