Popular Bible Verses from Gokhini 16

Share

Mu yu te wùt jìsà na, “Ghàn yuti! Mu bê ni te wut wù chwoŋana. Saŋlînì mò ha wùt we a wù ndòko hì gbùtè, nì njusu a wun wu wùn, kə wù nè fwo nì sah yi yimi nì wumînì a ghɨta ashyə̂.”

Anjèl à Fùyèn yìlè fwu na à hi mô anjèlsu Fùyènsu tufa suh chwohi shyə ghe a ghɨ mô a wun a kaŋ a jwô yì tâ yìlè, ghɨ toŋte na Yufelèt. Jwò àtɨ̂n yim nâ yì jɨ̀m hi fo wu lum ha fə̂n tê a tu fwo bênà a bàh afa yuchwî sata atɨ̂n na tu daŋ.

Yohnù wûn mô deblìsu te su gbê chwûtè chwesu kanasu. Yohnù tɨnu gbî yen nâ ha fə̂n tù jɨ̀m a mbyî, ghɨ yûŋtì ghɨna wu lùk wù mòk na ghɨna hi bakte hi bè nò Yènfù a tuk wu chiku, Bè jyak wù jɨ̀m.

Mu fî yen yohnù wu be wule wù tât, wu mô te wù chàmàkhɨ̀s. Ale hì fwo bê a ywò yi jwô, ale fê fwo bê a nyàm ye yi jwô, ale fwo kəbi a fòktì yì fəm ye yi jwô.

Lûm yi tɨni nyôklì ghɨna nâ haŋaŋ, ghɨna hì sûlè Fùyèn fe fu kəta jyaka hi fo ngə̂k mu sîn, biyani ghɨna tê kahi jə təm a ghɨna a sùbe hi tè kokhe Fùyèn.

Anjèl à Fùyèn yì shyə̂ yen suh chwohi nì shyə ghe a ghɨ ndùku mô a wun a kaŋ a chyə̂. Jì wu bəmana wule kwo ghɨt ghe a ghɨ ndùku kəta chwena nyàm yê, fê ngumle mosò fu tɨn fê.

Yohnù wu be we yûŋtì fə̂n mu tɨ̂n wu lùk wule, ghɨ toŋte jìs yi Hibùlùs na Àmagedòn.