Anjèl à Fùyèn yìlè fî bên, na à hi mô sù tât bwat jis nâ nì jyə̀ yì tâ na, “Nâbi nde we a wù ngumle nyàm mi yê nì fə̀khè ghe a ghɨ fate, ghɨ fune nyàm àtɨ̂n, ma ghɨ ti lem chwena a wun a yulu shyə makə wu kpên, nè yenalò lâ baŋanu wu Fùyènù. Wu mô ni te lùkû mù tâ teka ghɨ fwəh nì shyə ale. Nâbi nde we a wù ne gha mi yìna kəta ngə̂k wu wùs ma ghɨ ti lem nkànû atɨ̂n, wu hì bame anjèlsu Fùyènsu yulesu ashyə̂, anjèlsu tɨnsu mô ghê Wâ Njyə̀. Lɨkfu wùs fe a ghɨna bè hì yena ngə̂k a fùtɨ̂n àtɨ̂n bè hì kwoka kə yi kwôk a nyə̂ gokhini bu. Ghɨt ghɨ̂n a ghɨ ngumle nyàm àtɨ̂n makə a fə̀khè tɨna, kəta chwena ye a ghɨ lema kum yìna yâ, bè hì kəta wijə yutìnì nâbi nchwì makə ntuksu.”