Popular Bible Verses from Gokhini 12

Share

Wana ne mɨ ghɨ̂n ti nò yə wûn kum luŋ mù Wâ Njyə̀ nì hamok ye a ghɨna chehì fôktè fê kôŋà nâ hi fo ngɨŋsu ghɨna su hi kpû kum wûn.

Yi bàm atɨ̂n, mu yu jyə̀ yi fwo bênà a nyə̂ jîsà na, “Yènfù ghàhnà fu bònhè lò ghɨt a wuna chîn chwûtè jyaka a wuna te fə̀n. Chîn mô, Klistù ma a ni wut we a Yènfù chwoka tuma mô hi chwùtè a ghɨ wuna jyaka beka ghɨ ti mak chwohi we a wù chehì mô a Yènfù ghàhnà fù ashyə̂, ngane wana ne nchwì, ngane ntuksu yâ.

Ghɨ mak chwohi nyàm àtɨ̂n a chyə̂. A mô ni, a mô ywô ye a ghɨ toŋte na deblì yâ, a fê mô kəbi Satàn. A mô yì yîn ye yì ndùku lehe ghɨta a mbyî yì jɨ̀m. Ghɨ mak chwohi wûn a chyə̂ ghê anjèlsu wunsu kə sù jɨ̀m.

Nâ ghàn à jɨ̀m ghe a ghàn chyə a nyə̂, ghàn hi saŋlê! Yi nè hì bəmalò ha ghê ghɨ chyə a mbyî nì ghàn ghe a ghàn chyə a jwô yì chìk beka deblì ti chwo ben ha ghàn, lâ wanu wu yafa nâ haŋaŋ beka ghàn hì khə na yu ti tumhî shyəma fêt yi wuni mi.”

Yi bàm atɨ̂n, woŋi lôtì a nyə̂, Maykèl ghê anjèlsu wunsu nô nyàm àtɨ̂n, nyàm àtɨ̂n nì anjèlsu wunsu boŋa nô ghɨna

Ywò àtɨ̂n bâŋhì wu lâ ha wùt ywên àtɨ̂n, lo yen lôhì yi woŋ ha ghɨta wùt ywên we yi sah yi nda, a mô nâ ghɨta à jɨ̀m ghe a ghɨ ndùku lêmà saktu Fùyèn tu fê fate khɨte hamok ye a Jisòs tì chwùte a ndan.

Chwena yì kana yìlè fwo a nyə̂, mu yen wùt wù ywên ma wù ti mak a yuchwî ha sùnju, njoŋ mô a wun a sah à wù, fota tù fə̀nà mô a wun a tû, kəta mu jên njwòsù bà. Wu mô wu lâ, ma wan hì luma wûn, wu jyê beka wù ndùku ywo lûmì.

Wùt ywên àtɨ̂n bwɨ wan wù lɨmà, wu mô hi bè saka tu lak tù jɨ̀m nì jyaka a bəmana. Biyani ghɨ tesi wan àtɨ̂n kwok nì wûn ha Yènfù a nyə̂ a funfu kpòk wu tù fə̀nù. Wùt ywên àtɨ̂n tet yen a yi lak yi sùsi, a mô luk we Yènfù tì fate lema ha wûn na ghɨ tôknà kwok nì wûn afû a mu tuk kam nì ghə yì bà nì tuk mù mtufa.

Chwena yì kana yìlè fî fwo a nyə̂, nyàm yì chìk yì bəmana yìlè fwu kə̂kì bâŋà yi bâŋ, kəta tu sàmba nì sesu ìwûm. Nâbi ghɨ̀ni to kəta fota tù fə̀nà. Kpènu wunu yâhà bâh à mù jènà à mòk atɨ̂n à bàh wù tât a nyə̂, wù mak chwohi a chyə̂. Nyàm àtɨ̂n time a wùt wù ywên we ashyə̂ a wù tì khɨŋa hi bwɨ yâ hì gbûtè hi kut a wan àtɨ̂n, a wu yu afa wù bwə.

Biyani ghɨ fo tu ghâ tu mbùk à wum tu ha wûn shyəma wù tet ywò mi yê ma wù yê tan a yi lak yi sùsi wù lùk afa a mô hi tòknà kwok nì wûn afû a wù lɨ̀m wù tât nì bəha. Ywò àtɨ̂n chwu mòlû a wùt ywên we yi bàm, mu mô kə te jwô shyəma mù lyê chya nì wûn. Biyani chyə gâmtì wùt ywên àtɨ̂n, mɨ jwò mi ye a ywò àtɨ̂n tì chwo yâ.