Popular Bible Verses from Fìlibiyàns 1

Share

Mu fê fo àyòŋnà ni beka mu khə hamok na fêt yi jûŋ yin a Yènfù yìme a ghàn a fùtɨ̂n ni na yi hi yê kə ashyə̂ hi tàn wu tuk afa a Klistù Jisòs bè kaha bênà.

Mu jə̂mà na Yènfù ni ghàn fê tokâ khɨli gha ye a yi mô hamok ma ghàn hi kôŋà ngɨŋ sanisu nâ a jûŋ. Mu jə̂mà ni shyəma ghàn hi khə gha ye a yi jwôfà kpene a yi bè hì mô nì yulînì, kəta wi njahi, wùt ngane wi ghàn yi gha wu tuk afa a Klistù bè kaha bênà.

A mô ha mu, mu chyə kə kum Klistù, ma mu ki kpû, ma à hi bɨlà mô mbì.

Mu fo àyòŋnà ha Yèn famfu nâbi wùni yu te mu kwàktè ghàn

Gha yi ta mò kə na, ghàn hi chyə te tum yì jùŋ yì Klistù khɨŋa shyəma mu ki bên hi yena ghàn, makə mu faŋ nâbi hi bèn, ma mu hi khə na ghàn tà kwuna jə hi tè kəta kwâktì yì mòk, chyə kə ha shyə̀ à mòk, fêtà nâ nì jyaka hi tè ləma a yi bimî ye a tum yì jùŋ yike.

Nâ gha yi chik ye a mu kwâktè mò kə na kə mu bè nê gha yi wumeni. Mu khɨŋa hi tè nè fêt yi Klistù nì təm a ta kə te mu chehì nê, khɨŋa na chyəna ma hi bênà kə nì kokhînì ha wûn, kə mu kpulô, makə mu faŋ hi tè chyə̂.

Mu jìsà ni beka Yènfù ti chwûtì təm a jûŋà ha ghàn ni na ghàn bimi Klistù ma ghàn fê yen ngə̂k kum wûn.