Popular Bible Verses from 1 Bità 1

1 Bità 1:3-4

Ŋwàklù Fùyèn Kàn Mù Fê (Cameron)

bmv

Ghàhnà hi kokhe Yènfù, Bè Bâba ghàhnà Jisòs Klistù! Wù ti kwohi seni ha ghàhnà nâ haŋaŋ fo chyənà yì fê ha ghàhnà wu lum na wù ti lôhì Bâba Jisòs Klistù a yi kpû, ghàhnà ghɨ hì chyə khə hamok na ghɨ bè khɨtelò chyə ye a yi bè mê wi; ma fê khɨti ghaki a nyə̂ te Yènfù lèma, yi bu hi fwɨ̀, bu hi bêf, ma yi wi hi kwunâ. Ghak yina mô ha ghàn ghe a Yènfù kine.

Compare

Explore 1 Bità 1:3-4

1 Bità 1:6-7

Ŋwàklù Fùyèn Kàn Mù Fê (Cameron)

bmv

Ghàn hi saŋle lê kum a gha mɨ ghɨ̂n nâbi te à mò chin ghàn kəta tu mômhì kə a tu lum, a tu lûm. Mômhì tɨ̂n bènà ha ghàn, nê na ghɨta yen à khɨli na ghàn kətalò kə nâ kàntè yi bimî. Ghɨ boŋa mômà gûl nì wusu nâbi te a mò a shyə kokne chema wi te yi bimî, yi mô hi bêf. Yi ni chwùtè na, ghɨ kəta kəbi hi tè mòmà yi bimî yani beka à mò a shyə kokne chyâ gûl shyəma à bê hì mô wu tuk afa a Jisòs Klistù kaha bênà, ma Yènfù yen à khɨli ghàn, ma wù bəmhi ghàn ma wù fê fo ghak yi wuni ha ghàn.

Compare

Explore 1 Bità 1:6-7

1 Bità 1:15-16

Ŋwàklù Fùyèn Kàn Mù Fê (Cameron)

bmv

Ghàn khə na Yèn fe fu chwokti ghàn na ghàn hi mô ghɨt a wuna yule lò. Ghàn hi boŋa yule lê a ghàn a sù chyənà, kə yi ghəl te ghɨ tì nyàka a ŋwàklù à Fùyèn na, “Ghàn hi chyə chyənà su yulesu beka mu yule.”

Compare

Explore 1 Bità 1:15-16

1 Bità 1:14

Ŋwàklù Fùyèn Kàn Mù Fê (Cameron)

bmv

Ghàn hi ywo ha Yènfù te mwəlà mù wûn. Kə ghàn hi fê nê gha ghe a njyàsu wùnsu chehì khɨŋa na ghàn hi nê te ghàn baha mô khə wi Yènfù.

Compare

Explore 1 Bità 1:14

1 Bità 1:13

Ŋwàklù Fùyèn Kàn Mù Fê (Cameron)

bmv

Ghàn fati lê ngɨŋ sanisu ma hi gbùtè hi nè yi fêt ye Yènfù khɨŋa. Ghàn hi fate khɨte ngɨŋ sanisu, lêmà kə kwâktì yani a yi yùtì afan a Yènfù mò hi bè fo ha ghàn wu tuk afa Jisòs Klistù kaha bena.

Compare

Explore 1 Bità 1:13

1 Bità 1:24-25

Ŋwàklù Fùyèn Kàn Mù Fê (Cameron)

bmv

Yi mô kə yi ghəl te ghɨ nyaka a ŋwàklù Fùyèn na: “Ghɨt à jɨ̀m mò kə ni te wu wəlâ a ghə̀n, jwôf yi ghɨna mô kə ni te wu bwùs a ghə̀n. Bwùsà kpû, bwùsà yatàlò, biyani gha Bâba yi mô ma yi ti faŋ kə hamok.” Yìna mò tum yì jùŋ ye a ghɨ tì fòkte ha ghàn.

Compare

Explore 1 Bità 1:24-25

Popular Bible Verses from 1 Bità 1Share

Free Reading Plans and Devotionals related to 1 Bità 1

Popular Bible Verses from 1 Bità 1