Popular Bible Verses from 1 Петр 3

Share

Зиусхьэну Тхьэр фигукӀэ вгъэлъапӀэ. Фи гугъапӀэмкӀэ хэт къывэупщӀми, Ӏэдэбу, Тхьэм и фӀэлӀыкӀ фигу зэрилъымкӀэ жэуап ефтыжыну сыт щыгъуи хьэзыру фыщыт. МыхъумыщӀэ лъэпкъ зыдэвмыщӀэжу фигухэр къабзэу щывгъэт, Мэссихь зи гум илъхэм яхуэфащэу фи псэукӀэ тэрэзым къыщӀэнакӀэхэр жаӀахэмкӀэ укӀытэжын щхьэкӀэ.

Зиусхьэным и нэӀэр щыпкъагъэ зигу илъ цӀыхухэм ятрегъэт. Ахэр щелъэӀукӀэ, ар къодаӀуэ. Ауэ бзаджащӀэхэм Зиусхьэным и щӀыбыр яхуегъазэ, (дунейм ахэр тригъэкӀуэдыкӀын щхьэкӀэ)».

Дахэ фызыщӀыр фи теплъэрауэ щремыт, щхьэц ухуэнынри, дыщэкӀэ зывгъэдэхэнри, щыгъын дахэхэри арауэ иремыхъу, атӀэ цӀыхухэм ямылъагъуу фи гум илъу, гущабагъэмрэ гузэгъэгъуэмрэ къыхэкӀ дахагъэ мыкӀуэдыжырауэ ирехъу дахэ фызыщӀыр. Тхьэм дежкӀэ абы уасэшхуэ иӀэщ.

Сыт щхьэкӀэ жыпӀэмэ «ГъащӀэр фӀыуэ зылъагъуу, махуэфӀхэр зылъагъуну хуей цӀыхум бзаджэ жыӀэным и бзэр щрехъумэ, и Ӏупэхэри хьилагъэм щрехъумэ. Бзаджагъэм пэӀэщӀэ зрырещӀ, фӀы ирелэжь. ЗэгурыӀуэныгъэм лъыхъуэу, и ужь ирырет.

ИкӀэм-икӀэжым, зэнэзэпсэу фызэдэпсэу. Зыр зым хуэгумащӀэу, къуэшыгъэ фяку дэлъу, фӀыуэ фызэрылъагъуу, гущӀэгъу фиӀэу, пагагъэ фи гум имылъу фыщыт. Бзаджагъэм бзаджагъэкӀэ фыпемыгъуэкӀ, къыфщӀэнакӀэм фыщӀэмынэкӀэж. Абы и пӀэкӀэ, «Тхьэм и нэфӀыр къыфщрехуэ», яжефӀэ; и бынхэм ящыщ фыхъуну Тхьэм фыкъыщӀыхуриджар абы и нэфӀыр къызэрыфщыхуэнур фэ ӀыхьэфӀу къыфлъысыну арщ.

ФӀы щӀэным и ужь фи фӀэщу фитмэ, хэт зэран къыфхуэхъун зылъэкӀынур?

Бзаджагъэм пэӀэщӀэ зрырещӀ, фӀы ирелэжь. ЗэгурыӀуэныгъэм лъыхъуэу, и ужь ирырет.

Тхьэр апхуэдэу хуеймэ, фӀы зэрыфщӀэм щхьэкӀэ гугъуехь фшэчыныр нэхъыфӀщ, бзаджэ щӀэным щхьэкӀэ гугъуехь фшэчыным нэхърэ.