Popular Bible Verses from Лука 8

Share

Регьел гаьгьийо мицакьа йеᵸхейо иᵸзолъийо ба̄хъца, кӀетӀа хирияб йакӀиъ йаьжена цӀуми йогьна сабруна богьна, кьоᵸва гуцӀал мегьцаса аьдамла.

ЧӀагь-зазлиъ йалӀо кези йахъийо мугьлалъийа ба̄хъца Аллагьлис йаьже тухъдана, тӀалаб-агъазлигъой, бечедлъилагъой, дунияллила тӀаъам-лазатлигъой мекьена, лӀуьхонна йаьжис кьоᵸва гуцӀал мейэш аьдамла.

Шедкьа йейакийа̄ иᵸзодас мугьлалъийа ба̄хъца энекзи бахъна разилъилаъ Аллагьлис йаьже къабул йогьцаса, зама-замаллиъ жуво̄л боьважчаша, амма гьаьл бикъелцас загьматаб водбо кьодо йоᵸвакъолъ, хемуха гаьчча̄ гьолло̄л ата̄ боьвачош.

– На̄д мизос божи-иман? – лӀо нисолло гьоллохъа Иса. ЙилӀа гьийабачӀена бихзи бахъийа̄ гьолло̄л сидхъа-гьоᵸсо бикълабашена нисойо: – Нӣйо сукӀод Гьули залӀинна ралъадбала соййа̄лна амро богьна бахъцас, гьолло̄нна Гьолцол мутӀиъ йа̄хъна нисогъа йогьцаса?

Гьинолкьа йейакийа̄ иᵸзодас мугьлалъийа ба̄хъца йаьжхъа энекзи ба̄хъдана, бета илбисли гьоглола йакӀиъис жуво̄л боьважинна хъосар ба̄хъечӀе бецалъгъа, йаьже йагъал йеᵸгьцаса.

СудлӀо нисода йуᵸцойо шинаб жо йиᵸхъос, балъгояб шинаб жона гиса йагъас бета загьирна йахъна.

Гьини йо̄йо жо балъго гьихлъаъцас йегалъ, гьоло аьдам къикъилӀона Исадой гьица йеᵸкьейо. Гьолцола хаьбала̄дой къе̄на йекна, халкъилал тухъинна нисойо су гьини Гьолцол ко̄ йеᵸхеллона, ва нигъа жу ко̄ йеᵸхенна муьгъатта̄ сагъ йахъийона. Исана гьолълъохъа нисойо: – Дие кид, дибола божила йахъилло ми. Гьаᵸже йеᵸкье рекъелна мина.

Гьицана мекьена асгьабла̄ Иса лъуьълӀолло. – Йа̄ НасигьатсукӀо! Йа̄ НасигьатсукӀо! Иле гъанкъизи ба̄хъца! – лӀо нисона илӀелаба̄йо. ЛъуьълӀона Гьолцо залӀхъа амро бо̄йо йикьечӀе йечелӀо нисона, йилӀа жапӀлӀоцас лъӣхъа йеченуцӀлӀо нисойо. Бета дуниялна гьулиъ сасси бахъна гей.