Popular Bible Verses from Лука 4

Share

– «Дӣъ БетӀергьаллис Ругь гей, гьолцо дил ихтияр нилӀийо Рохеллис Хабар мискилла̄хъа мейал, асирлъилаъ гаьгьийа̄ тиса ба̄гъоналӀо, боцдийа̄л канлъи йоᵸкъоналӀо, азаб-акъубалиъ гаьгьийа̄ гиса мегьналӀо. Аллагьлила раьгьматлис мех мокъоналӀо нисал эᵸгьна гей До».

Иса жаваб нилӀийо: – ТӀекликьа чахна гей: «Сид Аллагьлилла̄ъ сужда бова̄къа, БетӀергьаллилла̄ъ ибадат бова̄къа».

Иса гьоглӀол жаваб нилӀийо: – ТӀекликьа чахна гей: «Сид баьбалакьа боваъас инсалли гьинис оьмро».

Илагьияб Ругьлид оцӀийо Иса Иорданлиъис кӀаьй уьᵸхона го̄йо, бета Ругьли Гьули оᵸкъолло боьчӀчӀа авлахълиъ.

Иса жаваб бо̄йо: – «Ми БетӀергьан, дибола Аллагьлил гьаьлбики йова̄къа» – лӀо нисона чахна ТӀекликьа.

Гьолцол къацӀцӀо гьаьлбики йогьна лъикъолъ, илбис гьоᵸс санаъатаб мех мокъоцал боъийо Гьолцодойс.

Бета илбисли ма̄ькьана оᵸкъонна, сид лагьзатлиъ дуниялликьа гаьгьийа̄ къацӀцӀа̄ пачалихъла йегабалло Гьолцол. Бета гьоклӀо нисос: – Вагьадло къацӀцӀола пачалихъла̄с ихтиярна рецна до Дул нилӀал, судлӀо нисода гьолълъос ихтияр дӣхъа нилӀна гей, до дил атӀтӀийал вагьло ницца. Ми дил сужда богьда, вагьли къацӀцӀо дибо йахъца. Иса жаваб нилӀийо: – ТӀекликьа чахна гей: «Сид Аллагьлилла̄ъ сужда бова̄къа, БетӀергьаллилла̄ъ ибадат бова̄къа».

Бета илбисли Гьули Иерусалимлиъ эжена Аллагьлила билӀола кьохъкьана гонна, Гьолцохъа нисос: – Ми Аллагьлис Оьжо зогъда, вагьалӀоъла лӀийо огицӀ! ТӀекликьа чахна гаьъад: «Аллагьли малаикла̄кьа амро бовас ми цӀуми овалӀо нисона». Бета: «Малаикла̄ каъ охна эзас кьалил дибо хаьба мехелечӀе». Иса жаваб бо̄йо: – «Ми БетӀергьан, дибола Аллагьлил гьаьлбики йова̄къа» – лӀо нисона чахна ТӀекликьа.