Popular Bible Verses from Luka 4

Share

“Micɛra n Awiɛwiɛ n wo m dɔ, dama wɔ yi m ka m kan labari kpa n kere yaari­fɔm. Na wɔ sunma m ka m kɔ minɛm bo ba tara bu domuɛm n dɔ, na m se bu ka m bá de bu tii ji, na m kɔ anyinsinm dɔ, na m se bu ka m bá teke bu nyu­mbaa, na m kɔ minɛm bo bu bita bu miɛ n dɔ, na m se bu ka m bá de bu tii ji, na m bo ndoori ka, afɔ n nu Micɛra ni má i minɛm di i ahɔrɔma.”

Na Yesu ase i bekun ka, “Ba kaaki akɛrɛ i Nyɛmɛ Jɔrɛ Kadasi n nu ka, ‘Kutu Micɛra u Nyɛmɛ ni, na a su yiri ŋgumi.’”

Ama, na Yesu abɔ i nu ka, “Ba kɛrɛ i Nyɛmɛ Jɔrɛ Kadasi n nu ka, má diire ŋgumi ma sɔnɔ ŋgɔɔ a.”

Awiɛwiɛ Casi n woori Yesu ŋu agaya, na wɔ fite Yodan kunma n awɔrɛ n nu, na Awiɛwiɛ Casi n afa i akɔ boro kpantain n nu kɔ sukere i atin.

Ama, na Yesu akaaki ase i ka, “Ba kaaki akɛrɛ i Nyɛmɛ Jɔrɛ Kadasi n nu ka, ‘Má a yo Micɛra Nyɛmɛ n na a niɛ kabo i yiko ti barasu.’”

Saŋga bo Sitana n yoori Yesu yoo­wa barasu n kɛrɛ na i niɛ i ni, na wɔ kɔ ayaki Yesu ka.

Na Sitana afa i afun akɔ aŋgoro lenleŋge, na i nyu­mbaa­mbaa n nu bɛrɛ, na wɔ kere i durunya n nu asiɛn n kɛrɛ. Na wɔ se i ka, “Wɔrɔ ye m má a niɛ ahin asiɛn n kɛrɛ su a, na m fá bu ajɛkɛm kɛrɛ ma u, dama Nyɛmɛ afa i kɛrɛ awura m saa nu, na mini gusu koro fa ma sɔnɔ kɛrɛ bo m koro. Nzɛn a kutu suuri m, m fá nyinim kɛrɛ ma u.” Na Yesu ase i bekun ka, “Ba kaaki akɛrɛ i Nyɛmɛ Jɔrɛ Kadasi n nu ka, ‘Kutu Micɛra u Nyɛmɛ ni, na a su yiri ŋgumi.’”

Na Sitana n akaaki afa Yesu akɔ Yɛrusalem miɛ kpiri n nu, na wɔ fa i akɔ ajina Nyɛmɛ Seree­biri Awuru n tii su lenleŋge, na wɔ se i ka, “Nzɛn a ti Nyɛmɛ Wa, fite fɛn ti tɔ asiɛŋgu na m niɛ. Dama ba kɛrɛ i Nyɛmɛ Jɔrɛ Kadasi n nu ka, ‘Nyɛmɛ má i mɛrɛkɛm nɔɔ ka bu niɛ u dika na bu kanda u.’ Ba kaaki akɛrɛ i ka, ‘Bu fá bu saa so u nu, na má u jaa bo yabuɛ be.’” Ama, na Yesu akaaki ase i ka, “Ba kaaki akɛrɛ i Nyɛmɛ Jɔrɛ Kadasi n nu ka, ‘Má a yo Micɛra Nyɛmɛ n na a niɛ kabo i yiko ti barasu.’”