Popular Bible Verses from Yorhaq 14

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

“Nawmaf-euq nuima maqsar-aer taqghae. Nawmaf, Miqyaer-anr jan-awr, ngaq-anr khawf jan-awq.

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Ngaq nae bif-euq dawq yagaq-awr mrcaw-eu tsawrhaq-aq, ngaq-anr gaq-eu tsawrhaq mae. Ngaq-anr gaq-eu tsawrhaq-anr ngaqDa gaq taef-a. Khoeruqtaf, ngar khawf aqyawf-anr gaq-awr, ngaq-euq mawrdo aqyawf-anr byacaevni bimawr ma.”

Ngar, Aqda-anr shar-awr, aqmyanluf nawmaf naeq-aer bijawr-eu gharduq, aqyawf, nawmaf-anr Cawba-eu ghaq, tiq ghaq bifnaeqlaf taef-a. Aqyawf-aq, yawtsaq yawdawr-euq Saflar mae. Mirtsaqzaq, aqyawf-anr maq siqnya-aer maq mawrnya-eu mirnae, aqyawf-anr maq hageuf nya-a. Aerkhawf, nawmaf, aqyawf-anr siqnya-eu mae. Aqjeq mirnae aernar-aq, aqyawf, nawmaf naeq-aer jawrluf-awr, nawmaf-euq lafkhoer jawr taef-a.

Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma. Nawmaf, ngaq-euq tsawrmyanr-anr ghoe-awr, aqgeu jeq shar-eu maqkaq, ngar bi pyeuflar ma.”

“Nawmaf, ngaq-anr gaq nar-aq, ngaq nae bif-euq dawqdeuq-anr mrcaw taef-a.

NgaqDa-euq nymr-anr jawrkhar zaganq mae. Jawrkhar maqza lawnmr-aq, ngar, nawmaf-anr aernaeq taef-a. Ngar, nawmaf-euq gharduq jawrzar lavsavler ma.

Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Tormav, aqyawf-anr aernaeq-eu, “Sanqpaq-or! Nawr aqgeugar leluf-eu la laer nga’maf maq siqnya nya. Nga’maf, garma khoerkanr-anr aqjox-aer siqnya nmr-mq?”