Popular Bible Verses from Tito 1

Share

Pē nei e kī ena: e māhani rō ꞌā a rāua ki te ꞌAtua, ꞌe hai meꞌe aŋa e takeꞌa ena ꞌina kai māhani. A rāua, paꞌi, he nuꞌu taparahi-taꞌata, taꞌe haka roŋo ki te ꞌAtua. ꞌO ira e ko tano mo aŋa i te meꞌe riva-riva ki te mata o te ꞌAtua.

Mo te nuꞌu manaꞌu maꞌitaki, taꞌatoꞌa meꞌe meꞌe maꞌitaki; ꞌe mo te nuꞌu manaꞌu taꞌe maꞌitaki ꞌe taꞌe haŋa mo haka moe i te manaꞌu ꞌi ruŋa i a Ietū, taꞌatoꞌa meꞌe meꞌe taꞌe maꞌitaki, ꞌo te ai te rāua manaꞌu manaꞌu rake-rake ꞌe ꞌina he aŋi-aŋi haka ꞌou he aha te meꞌe riva-riva ꞌe he aha te meꞌe rake-rake.

Te kope nei e haka hio-hio i te manaꞌu ki te roŋo parautiꞌa o te ꞌAtua hāpī ki a ia, ki tano ai mo haka haŋu i te manaꞌu o te tētahi taŋata hai rā roŋo ꞌe mo haka takeꞌa ki te nuꞌu taꞌe haŋa ki te roŋo parautiꞌa he aha te hape o te rāua manaꞌu.

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni. E ai he taŋata haŋa mo toꞌo ꞌe mo hāpaꞌo i te nuꞌu tuꞌu ki tōꞌona hare, he taŋata aŋa i te meꞌe riva-riva mo te rua, haka topa riva-riva i te manaꞌu ꞌe aŋa i te meꞌe tī-tika, he taŋata māhatu maꞌitaki, ꞌite mo hāito i tāꞌana meꞌe kī ꞌe i tāꞌana meꞌe aŋa.

Te kope mo pūꞌoko haka tere he kope ꞌina ōꞌona hape; he kope kai oho ki te rua viꞌe ꞌi tōꞌona hāipo-ipo. Tāꞌana ŋā poki e haka moe rō ꞌana i te manaꞌu ꞌi ruŋa i a Ietū, ꞌe ꞌina rāua hape mo tuhi iŋa e te nuꞌu pē nei ē: a rāua ꞌō he ŋā poki aŋa i te meꞌe taꞌe tano, pūꞌoko hio-hio ꞌe taꞌe haka roŋo.