Popular Bible Verses from Meꞌe Haka Takeꞌa 5

Share

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».

ꞌe i haka riro ai he nūnaꞌa taŋata haka tere e ia, ꞌe he ⌊oromatuꞌa⌋ māꞌana; mo rāua te ao nei e haka tere».

ꞌE he ŋaroꞌa takoꞌa e au i te meꞌe taꞌatoꞌa ora aŋa e te ꞌAtua o ruŋa o te raŋi, o ruŋa o te henua, o raro o te henua ꞌe o roto i te vaikava e kī ꞌā: «¡Ki haꞌahana-hana, ki moꞌa, ꞌe ki haka nui-nui tātou ꞌātā ki te hopeꞌa raꞌa i te kope noho o ruŋa i te pepe ꞌariki ꞌe i te Māmoe; i a rāua, paꞌi, te pūai!».

He kī mai ia e tahi o tū ŋāŋata ra-rahi era: «¡ꞌIna koe ko taŋi haka ꞌou! Kope ena he Reone o te mata o ⌊Hūrā⌋, he hakaara o ⌊Tāvita⌋, ko rē ꞌā ki te pūai o Rukifero. Ko ia te kope tano mo kume i te ŋā tāmaꞌu era e hitu ꞌe mo mātaki i te taka parau era».