Popular Bible Verses from Meꞌe Haka Takeꞌa 20

Share

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

He uꞌi atu ia a au i te nuꞌu mate, ka hōnui ꞌe ka taꞌe hōnui, e māroa rō ꞌana ꞌi muꞌa o tū pepe noho ꞌariki era. I oho era he mātaki-taki i te puka ꞌe i te puka takoꞌa era ꞌi ruŋa e pāpaꞌi rō ꞌā te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. He ture ia i te nuꞌu mate tano ki te rāua meꞌe i aŋa pāpaꞌi ꞌi ruŋa i rā ŋā puka.

Te nuꞌu mā-mate nei, mai roto i te vaikava ꞌe mai roto i te kona ko ꞌAre i eꞌa tahi ai, ꞌe he ture ki a rāua taꞌatoꞌa tano ki te rāua meꞌe i aŋa. I oti era he toꞌo mai i te mate ꞌe i te kona o te mate ko ꞌAre he hoa ki roto i te pōꞌauahi. Te kona ahi nei he rua mate iŋa

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.

Ki oti rā hoꞌe taꞌutini matahiti era, he haka eꞌa i a Rukifero mai tū kona puru era, ꞌe he eꞌa he reo-reo ki a Koko ꞌe ki a Mākoko, te auraꞌa, ki te taŋata o te ŋā pāꞌiŋa ena e hā o te henua, ꞌe he haka taka-taka tahi ananake mo tamaꞌi ki te ꞌAtua. Te rahi o rāua pa he rahi ena ꞌā o te ꞌone.