Popular Bible Verses from Meꞌe Haka Takeꞌa 14

Share

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».

ꞌI te meꞌe era pē ira ka topa ena, te nuꞌu haꞌataꞌa e te ꞌAtua māꞌana, haꞌatura i tāꞌana roŋo, taꞌe haka rē i a Ietū ki te hora hopeꞌa, e ꞌite mo ꞌamo i te ꞌati topa ꞌi ruŋa i a rāua.

E kī pūai era: «E moꞌa kōrua i te ꞌAtua, e haꞌahana-hana kōrua i a ia ꞌo te ai ꞌī ko tuꞌu mai ꞌā te hora era mo ture ōꞌona i te taŋata. E haꞌamuri kōrua ki te kope ꞌāꞌana i aŋa i te raŋi, i te henua, i te vaikava ꞌe i te kona manana vai».

ꞌI tuꞌa o rā merahi te toru merahi e kī e oho era hai reꞌo pūai pē nei ē: «Te nuꞌu haꞌamuri ki te manuꞌino eꞌa era mai roto i te vaikava ꞌe ki te ꞌītoro aŋa era pē ia, haka rē i a rāua mo tāpaꞌo a te tira ꞌo a te rima hai tāpaꞌo o rā manuꞌino e unu rō i te ꞌava taꞌe ꞌānoꞌi o te ꞌAtua, te auraꞌa, e haka ūtuꞌa rō e te ꞌAtua hai ūtuꞌa taparahi-taꞌata. ꞌE ꞌi muꞌa o te merahi ꞌe o te Māmoe e haka māui-ui rō e te ꞌAtua hai ahi ꞌe hai azufre . ꞌE mai te kona ꞌamo o rāua i te ūtuꞌa ka eꞌa ena te ꞌau ꞌina he hopeꞌa raꞌa, ꞌe ꞌi ira, ka pō ka ꞌōtea, ꞌina he haka ora te nuꞌu haꞌamuri ki te manuꞌino ꞌe ki te ꞌītoro aŋa pē ia haka tāpaꞌo i a rāua hai ꞌīŋoa o rā manuꞌino».

He takeꞌa ia e au i te Māmoe e māroa rō ꞌana ꞌi ruŋa i te maꞌuŋa era ko ⌊Tione⌋. ꞌI muri i a ia e hoꞌe hānere maha ꞌahuru mā maha taꞌutini taŋata ꞌi te rāua tira e pāpaꞌi rō ꞌā te ꞌīŋoa o te Māmoe ꞌe o tōꞌona Matuꞌa.

He takeꞌa ia e au i te merahi haka ꞌou e tahi e rere rō ꞌana ꞌi vāeŋa era o te raŋi e maꞌu rō ꞌana i te roŋo ꞌina he hopeꞌa raꞌa mo haka ꞌite ki te nuꞌu o te taꞌatoꞌa nō hau, ꞌarero ꞌe kona o te ao.

ꞌI tuꞌa e kī e oho era te rua merahi: «¡Ko haka pararaha tahi ꞌā te kona nui-nui era ko ⌊Vāvīrōnia⌋, kona haka hara ꞌe haka haꞌamuri era i te taŋata taꞌatoꞌa o te ao ki te meꞌe taꞌe he ꞌAtua!».