Popular Bible Verses from ꞌEvereo 10

Share

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

E uꞌi tātou i te rāveꞌa mo hāꞌūꞌū ki a tātou ꞌā mo ꞌata pūai o te haŋa ꞌi roto i a tātou i te taina ꞌe mo aŋa i te meꞌe riva-riva.

E haka hio-hio e oho nō tātou i te manaꞌu ꞌi ruŋa i te meꞌe hōrea mai era e te ꞌAtua. A ia, paꞌi, e ko taꞌe aŋa i tāꞌana meꞌe kī.

E ꞌite i te haꞌaoromaꞌi i te ꞌati hai pūai mo aŋa i te meꞌe haŋa o te ꞌAtua; pē ira takoꞌa i a kōrua pe muꞌa ka oho ena te meꞌe hōrea mai era e ia.

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

ꞌAti nō era mo topa atu e haka noho e oho nō te kōrua manaꞌu ꞌi ruŋa i te ꞌAtua; pē ira i a kōrua te meꞌe hopeꞌa o te nui-nui pe muꞌa ka oho ena.

Mo hara mo oho nō o tātou ka ai atu ko ꞌite ꞌana a tātou i te hāpī parautiꞌa o ruŋa i a Ietū, ꞌina ia he rua tūtia mo haka kore i te hara era o tātou. Te meꞌe toe nō mo tātou he ture taparahi-taꞌata o te ꞌAtua, ꞌe he ahi pūai haka ūtuꞌa i te nuꞌu hārui i te ꞌAtua hai tuaꞌivi.