Popular Bible Verses from Karatia 4

Share

ꞌE, ko ꞌite ꞌana a tātou he ŋā poki parautiꞌa tātou o te ꞌAtua ꞌo te ai ko uŋa mai ꞌā i te ⌊Vārua Maitai⌋ o tāꞌana Poki ki roto i te tātou māhatu; ꞌe hai ia e tano nei a tātou mo kī ki te ꞌAtua ꞌi te hora e pure nei tātou: «E koro ōꞌoku ē». Hora nei ia taꞌe he ꞌekaravo toe kōrua o te meꞌe haka tere i te ao nei. He ŋā poki kōrua o te ꞌAtua; ꞌe, ꞌi te ai o kōrua he ŋā poki ꞌāꞌana, mo kōrua takoꞌa ia te meꞌe taꞌatoꞌa hōrea e ia mo vaꞌai ki tāꞌana ŋā poki.

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋, mo haka eꞌa i a tātou mai roto i rā haka tere iŋa, ꞌe mo haka riro i a tātou i te nuꞌu ⌊haka moe i te manaꞌu⌋ ꞌi ruŋa i tāꞌana Poki he ŋā poki parautiꞌa ꞌāꞌana.

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?