Popular Bible Verses from 1 Kōrinto 3

Share

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

Te hare aŋa e te ꞌAtua e tahi mau nō mekerā ꞌi ruŋa e haka tuꞌu ena te hare, ko Ietū Kiritō, ꞌe ꞌina e tahi kope mo mono i te mekerā nei.

ꞌO ira, taꞌe ki te ŋā kope era o rāua i pī ꞌe pī-pī hai vai ana haꞌahana-hana, ki te ꞌAtua, kope era ꞌāꞌana i haka tupu ꞌe i haka nui-nui i rā meꞌe ꞌoka era.

He tāvini nō māua o te ꞌAtua, ꞌe a kōrua pa he ꞌāua ꞌoka kai ꞌi ira a māua e aŋa ena, ꞌe, takoꞌa, pa he hare aŋa e te ꞌAtua mōꞌona.

Te huru o te aŋa o te taꞌatoꞌa ka takeꞌa riva-riva ena ꞌi te mahana o te ture hopeꞌa, mahana ka uꞌi era e Ietū hai ahi hoki i aŋa riva-riva rō ꞌo ꞌina.

Te kope pī i te karu ꞌe te kope pī-pī hai vai ko tū tōroꞌa ꞌā, ꞌe mo te ꞌAtua e ꞌauhau i te rāua aŋa.

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.